मानव अधिकार तथा शान्ति समाजको २०७२ असार मसान्त सम्म अभियान र कार्यक्रम यसप्रकार रहेकोछ ।
१.१ समाजको क्षमताले भ्याएसम्म राहत जुटाई वितरण कार्य प्राथमिकता हुनेछ ।
१.२ शान्ति समाजले नयाँ संविधानको प्रस्तावनामा नै जीवनचक्र परिस्थिति सन्तुलन(इकोलोजिकल व्यालेन्स)उच्च प्राथमिकता रहनुपर्छ र सोही आधारमा राज्यका ढाँचाहरु विकसित एवम् परिमार्जन गरिनुपर्छ भनि वर्षाैदेखि आवाज उठाउँदै आएको हो र भावि दिनमा यहि मान्यतामा आधारित रही अभियान अघि बढाउँनेछ । २०७२ जेठ १५ गते गणतन्त्र दिवसका सन्दर्भमा पनि यहि विषयमा केन्द्रीत रही कार्यक्रम आयोजना गरिनेछ ।
१.३ प्राकृतिक एवम् अन्य विपत्तिको सामना गर्न उद्धार, राहत र पुनर्वासका लागि स्थायी एवम् प्रभावकारी संयन्त्र स्थापित हुनुपर्छ भनी शान्ति समाजले २०६४ सालदेखि नै अभियान संचालन गर्दै आएको र पछिल्लो पटक २०७१ कार्तिक २८–२९ गते सम्पन्न समाजको १७आंै राष्ट्रिय परिषद् वैठकबाट यसै विषयमा ध्यानाकर्षण गराउँदै पुनः प्रस्ताव समेत पारित गरेको थियो । समाजको स्थापना दिवस जेठ १९ गतेका दिन यसै विषयमा केन्द्रीत रही कार्यक्रम आयोजना गरिनेछ ।
१.४ हिमालय क्षेत्रको संवेदनशीलनाका विषयमा शान्ति समाजले वर्षाैदेखि बहस चलाउँदै आएको हो । विगतका वातावरण दिवसमा पनि यस विषयमा छलफल भएको थियो भने समाजको सत्रांै रा.प. वैठकद्वारा पारित वर्ष २०७२/७३को वार्षिक कार्ययोजनामा समेत जलवायु परिवर्तन र विश्वव्यापी उष्णता तथा हिमालय क्षेत्रको संवेदनशीलताका विषयमा अयिभान निरन्तर रहनेछ भनी पारित भएको विदितै छ । जेठ २२ गते अर्थात ५ जुन विश्व वातावरण दिवसका सन्दर्भमा यसै विषयमा केन्द्रीत रही कार्यक्रम आयोजना गरिनेछ ।

२०७२ वैशाख १२ गते गएको महाभुकम्प र तत्पश्चात सिर्जित महाविपत्तिबाट पीडितहरुको सहायतार्थ मानव अधिकार तथा शान्ति समाजका तर्फबाट प्रधानमन्त्री दैवीप्रकोप उद्धार कोषमा रु दुइलाख नगद सहयोग प्रदान गर्ने संस्थाको निर्णय अनुरुप उक्त रकम मिति २०७२ वैशाख २८ गते राष्ट्रिय वाणिज्य वैकमा रहेको प्रधानमन्त्री दैवी प्रकोप उद्धार कोषको खाता नं. ११३०००३७६२०१ मा जम्मा गरिएको छ ।

यसैगरी भुकम्पबाट प्रभावित तथा पिडित गाँउहरुमा दीर्घकालिन रुपमा सेवा र सहयोग उपलव्ध गराउँन एक÷एक गाँउ ग्रहण गरी हरेक संस्थाले सो गाँउमा सेवा सुविधा, पुनर्वास र विकासका पूर्वाधारमा मद्धत पु¥याउँन सबै सामाजिक संघ संस्थाहरुलाई मानव अधिकार तथा शान्ति समाज आग्रह गर्दछ ।

मानव अधिकार तथा शान्ति समाज, बागलुङ अष्टे«लिया कम्युनिटि र शानको सयुक्त तत्वावधानमा २०७२ वैशाख २६ गते गोरखा जिल्लाको थालाजुङ्ग गाविस –३ मा भुकम्प पीडित १०० घरपरिवारका लागि रु आठ लाख मूल्यको राहत सामग्री वितरण गरिएको छ ।
वितरित राहत सामग्रीमा प्रत्येक परिवारका लागि त्रिपाल एक, कम्वल एक, म्याट दुई, ३० के.जि. चामल, २ के.जि. दाल, १ लिटर तेल, १ के.जि.नुन, कराइ एक, पन्यु एक, थाल दुइ, गिलास दुइ सहितको सामग्री थियो ।
राहत सामग्री वितरणका लागि समाजका संस्थापक सभापति, सभापति, महासचिव, सचिव, कोषाध्यक्ष, अपिल समितिका संयोजक, विभागीय संयोजकहरु गरी शान्ति समाजका १ दर्जन भन्दा बढी पदाधिकारी तथा सदस्यहरु थालाजुङ पुग्नुभएको थियो ।