मानव अधिकार तथा शान्ति समाजको प्रतिनिध मण्डलले २०७३ कात्र्तिक ७ गते शिक्षामन्त्री धनिराम पौडेलसँग भेटी शैक्षिक क्षेत्रका विभिन्न विषयमा ध्यानाकर्षण गराएको छ ।
लागु औषध दुरुपयोग र लागु पदार्थको दुब्र्यसनीहरुको संख्या बढ्दै जानु देश र समाजका लागि चिन्ताको विषय भएको उल्लेख गर्दै यस्तो प्रवृतिले महामारीको रुप लिनु अगाडि नै रोकथामका लागि ब्यापक पहल र अभियान संचालन गर्न आग्रह गरिएको थियो ।
छलफलमा युवा पुस्ता लागु औषधको दुरुपयोग र लागुपर्दाथको दुव्र्यसनमा फस्ने क्रम बढ्दै गएको हुदाँ त्यसलाई रोक्न र शैक्षिक प्रतिष्ठानहरु समेत अखडा बन्न सक्ने संम्भावनालाई अन्त्य गर्नका लागि उपयुक्त कदम चाल्न आग्रह गरिएको थियो ।
आधारभुत तहका सबै बिद्यार्थीहरुका हकमा प्रोत्साहन भत्ताको ब्यबस्था हुनुपर्ने, त्यसमा पनि बालिकाहरुको हकमा त्यस्तो भत्ता रकम बढी हुनुपर्नेतर्फ ध्यानाकर्षण गराइएको थियो ।
यसैगरि सबै सामुदायिक विद्यालयहरुमा विद्यार्थीहरुका लागि दिवा भोजनको (डे मिल) ब्यबस्था हुनुपर्ने र त्यो खर्च राज्यका तर्फबाट बहन गर्नुपर्ने कुरामा जोड दिइएको थियो ।
उक्त छलफलमा मन्त्री पौडेलले शान्ति समाजले अघि सारेका १० बुदाँ सकारात्मक भएको र यथासंम्भव लागु गर्ने प्रतिवद्धता व्यक्त गर्नुभएको थियो । उहाँले दिवा भोजनको अवधारणा मध्यपश्चिम र सुदुरपश्चिमका केही जिल्लमा शुरु भइसकेको बताउँदै शैक्षिक प्रोत्साहन भत्ता के कति गर्न सकिन्छ भन्ने बारेमा छलफल अघि बढाउने बताउनुभयो ।
शान्ति समाजको प्रतिनिधि मण्डलमा सभापति गंगाधर अधिकारी, संस्थापक सदस्य कृष्ण कडेंल, महासचिव उत्तम पुडासैनी, कोषाध्यक्ष रेणुका पौडेल, केन्द्रिय सदस्य पुष्पा केसी लगायत सदस्यहरु संग्लन हुनुहुन्थ्यो ।