प्रेस विज्ञप्ति
प्रतिगमन बिरुद्ध शान्ति समाजको आन्दोलन प्रारम्भ/ १६ अधिकारकर्मी गिरफ्तार
असंबैधानिक, स्वेच्छाचारी एवं अलोकतान्त्रिक तवरमा गरिएको प्रतिनीधि सभा बिघटन बिरुद्ध मानव अधिकार तथा शान्ति समाजले आन्दोलन प्रारम्भ गरेको छ । यस क्रममा आज पुस ६ गते प्रधानमन्त्री कार्यालय सिंहदरबार दक्षिण ढोका अगाडि शान्ति समाजद्वारा आयोजित बिरोध प्रदर्शनका क्रममा समाजका संस्थापक सभापति कृष्ण पहाडी, सभापति उत्तम पुडासैनी, संस्थापक सदस्य कृष्ण कँडेल, पुर्व महासचिव कुमारराज सुवेदी, सचिव बलबहादुर गाहा मगर, काठमाडौ शाखा सभापति जगन्नाथ पुडासैनी, ललितपुर शाखा सभापति चन्द्रमणी बञ्जारा, अधिकारकर्मीहरु अमृतजंग महत, ईश्वर पुडासैनी, माँया भट्टराई, महेश आचार्य, बच्चुराम शर्मा, विकास थापा, किरण ढकाल, चिरञ्जीवी खड्का, तुलसीराम भण्डारीलाई प्रहरीले गिरफ्तार गरेको छ ।
प्रधानमन्त्री केपी शर्मा ओलीको सनक र राष्ट्रपति बिद्यादेवी भण्डारीको मिलेमतोका कारण प्रतिनीधि सभा बिघटन हुनु निन्दनीय छ भने प्रतिनीधि सभा बिघटन असंबैधानिक, स्वेच्छाचारी एवं अलोकतान्त्रिक भएको मानव अधिकार तथा शान्ति समाजको ठहर छ । बिरोध प्रदर्शनमा संसद बिघटन ः लोकतन्त्रको सबैभन्दा ठुलो उपहास, कुशासनमा लिप्त ओली सरकारःप्रतिगमनको सबैभन्दा ठुलो मतियार लेखिएका प्लेकार्ड प्रदर्शन गरिएको थियो ।
प्रतिगमन बिरुद्ध शान्ति समाजको आन्दोलनका क्रममा हिजो पुस ५ गते शान्ति समाज दाङ शाखाको आयोजनामा तुलसिपुरमा र रुपन्देही शाखाको आयोजनामा बुटवलमा प्रदर्शन गरिएको थियो भने देशभर विरोध प्रदर्शनको क्रम निरन्तर छ ।

समाजका तर्फबाट
सरिता पौडेल
कार्यक्रम अधिकृत
मानव अधिकार तथा शान्ति समाज
२०७७ पुस ६ गते

प्रेस विज्ञप्ति
शिक्षक हत्याको निन्दा÷भ्रष्टाचार विरुद्ध कार्यक्रम÷विश्व शान्तिका लागि ३२ जिल्लामा प्रदर्शन
१.मोरङ जिल्लाको मिक्लाजुङस्थित सरस्वती आधारभुत विद्यालयका प्रधानाध्यापक राजेन्द्र श्रेष्ठको मंसिर २३ गते बिहान अपहरण पश्चात क्रुरतापूर्वक भएको हत्याको मानव अधिकार तथा शान्ति समाज निन्दा गर्दछ । उक्त जघन्य हत्याका दोषीहरुलाई कानुन सम्मत कारवाही गर्न शान्ति समाज सरकारलाई आग्रह गर्दछ ।
२०७७ मंसिर २३ गते नेत्रविक्रम चन्द विप्लव नेतृत्वको नेपाल कम्युन्ष्टि पार्टी मेची कोशी ब्युरोले विज्ञप्ति जारी गरी सो हत्याको जिम्मेवारी लिएको थियो । हत्या हिंसाको राजनीति सदैव निन्दनीय हुने र सभ्य समाजलाई स्विकार्य नहुने तथ्य मानव अधिकार तथा शान्ति समाज सम्बन्धीत सबैलाई पुन स्मरण गराउँछ । हिंसाको राजनीतिले एकातिर २०६२÷६३ को जनआन्दोलनबाट प्राप्त उपलब्धिलाई खण्डित गर्न चाहने तप्कालाई र अर्कोतिर विभिन्न बहानामा भ्रष्टाचार र असक्षमतालाई ढाकछोप गर्न खोज्ने चरित्रलाई बल पुग्ने हुँदा हिंसाको मार्ग त्यागी शान्तिपूर्ण राजनीति अवलम्बन गर्न विप्लव नेतृत्वको नेकपालाई शान्ति समाज पुन आग्रह गर्दछ ।
२. आणविक अस्त्र रहेसम्म यो प्यारो धरतीमा कोही सुरक्षित छैनन् भन्ने नारासहित अन्तराष्ट्रिय मानव अधिकार दिवसका दिन मंसिर २५ गते मानव अधिकार तथा शान्ति समाजका ३२ जिल्ला शाखाहरुले देशका ३३ स्थानमा प्रदर्शन गरेका छन् । आणविक अस्त्र निषेध सन्धि अनुमोदन गर्न मागसहित शान्ति समाजका जिल्ला शाखाहरुको आयोजनामा चितवनको भरतपुर, नवलपुरको गैडाकोट, कास्कीको पोखरा, मोरङको विराटनगर, दाङको तुलसीपुर, अर्घाखाँचीको सन्धिखर्क, बागलुङ सदरमुकाम, कैलालीको टिकापुर, पर्वतको कुस्मा, पाल्पाको तानसेन, म्याग्दीको बेनी, महोत्तरीको जलेश्वर, रुपन्देहीको वुटवल, नुवाकोटको देवीघाट, सुर्खेतको विरेन्द्रचोकमा, गोरखा सदरमुकाम, बाराको सिमरा, स्याङजाको पुतलीबजार, सुनसरीको इनरुवा र इटहरी, पर्साको वीरगञ्ज, पाँचथरको फिदिम, झापाको धुलावारी, अछामको मंगलसेन, रौतहटको चपुर, सिरहाको लहान, तेह्रथुमको म्याङलुङ, संखुवासभाको खाँदवारी, धनकुटा बजार, नवलपरासी पश्चिमको बर्दघाट, बाँकेको नेपालगञ्ज, कपिलबस्तुको जितपुर र काभ्रेको पनौतिमा प्रदर्शन सम्पन्न भएको थियो ।
मानव अधिकार दिवसकै दिन शान्ति समाजले काठमाण्डौ÷ललितपुरस्थित अमेरिका, रुस, चीन, ब्रिटेन, फ्रान्स, भारत, पाकिस्तान, उत्तर कोरिया र इजरायलका दुतावास अगाडि प्रदर्शन गरेको थियो । यस क्रममा शान्ति समाजद्वारा देशभर आयोजित ४२ वटा प्रदर्शनमा एक हजार भन्दा बढी शान्तिवादीहरुको सहभागिता रहेको थियो ।
३. भ्रष्टाचार विरुद्ध अन्तराष्ट्रिय दिवस ९ डिसेम्बरका सन्दर्भमा मानव अधिकार तथा शान्ति समाज काठमाण्डौ शाखाको आयोजनामा ‘भ्रष्टाचारीलाई कारबाही गरौ, भ्रष्टाचार अन्त्य गरौ’ भन्ने नारासहित मंसिर २४ गते बिहान काठमाण्डौमा प्रदर्शन भएको थियो । यसैगरी मंसिर २४ गते अपरान्ह् ‘नेपाल ः भ्रष्टाचार र दण्डहिनताका कारण बढ्दो आक्रोश’ विषयमा शान्ति समाजले भर्चुअल अन्तरक्रिया आयोजना गरेको थियो ।
४. अन्तर्राष्ट्रिय स्वयंसेवक दिवस ५ डिसेम्बरका दिन मंसिर २० गते बिहान मानव अधिकार तथा शान्ति समाजसहित विभिन्न संस्थाहरुको सहकार्यमा माथिल्लो बागमती सफाई कार्यक्रम सम्पन्न भएको थियो ।
समाजका तर्फबाट
सुशील बस्नेत
महासचिव, मानव अधिकार तथा शान्ति समाज केन्द्रीय कार्यसमति
मिति ः २६ मंसिर २०७७

प्रेस विज्ञप्ति
आणविक अस्त्र निषेध सन्धि शिघ्र अनुमोदन गर्न आग्रह गर्दै ९ वटा दुतावास अगाडि एकसाथ धर्ना प्रदर्शन
आणविक अस्त्रको विश्वव्यापी उन्मुलनको माग गर्दै २५ वर्षदेखि अभियानरत मानव अधिकार तथा शान्ति समाजको आयोजनामा काठमाण्डौ र ललितपुरस्थित ९ वटा दुतावास अगाडि एकसाथ धर्ना प्रदर्शन भएको छ । ७२ औँ अन्तराष्ट्रिय मानव अधिकार दिवस १० डिसेम्बरका अवसरमा २०७७ मंसिर २५ गते मध्यान्ह् १२ बजेदेखि आधा घण्टा काठमाण्डौस्थित अमेरिका, रुस, चीन, ब्रिटेन, फ्रान्स, भारत, पाकिस्तान, इजरायल र उत्तर कोरियाली दुतावास ललितपुर अगाडि एकसाथ प्रदर्शन भएको हो ।
धर्नामा आणविक अस्त्र मानवताको सबैभन्दा ठूलो शत्रु र विश्व शान्ति एवं सभ्यताका लागि सबैभन्दा ठूलो खतरा हो, सबै आणविक अस्त्र नष्ट गर, आणविक अस्त्र निषेध सन्धि अनुमोदन गर, आणविक अस्त्र चाहिदैँन शान्ति मास्न पाइदैँन, कोभिड कहरबाट बच्न सकिन्छ तर आणविक कहरबाट कस्ले बचाउँने? आणविक अस्त्र रहेसम्म यो प्यारो धरतीमा कोही सुरक्षित छैनन्, हामी आणविक अस्त्ररहित विश्व चाहन्छौ लेखिएका ब्यानरहरु प्रदर्शन गरिएको थियो । यसैगरी सहभागिहरुले आणविक अस्त्र निषेध सन्धि अनुमोदन गरि अरबौको मन जित्न आणविक अस्त्र भएका राष्ट्रहरुलाई आग्रह गरेका थिए भने युद्ध निषेध ः शान्ति विशेष, युद्धमा सबैको क्षय हुन्छ शान्तिमा सबैको जय हुन्छ, युद्ध रोक शान्तिलाई बढावा देउ, लेखिएका प्लेकार्डहरु प्रदर्शन गरेका थिए ।
प्रदर्शन पश्चातः अमेरिकी राष्ट्रपति डोनाल्ड ट्रम्प, रुसी राष्ट्रपति भ्लादीमिर पुटिन, ब्रिटिस प्रधानमन्त्री बोरिस जोन्सन, पाकिस्तानी प्रधानमन्त्री इमरान खान, उत्तर कोरियाली सर्वोच्च नेता किम जोङ उन लाई विश्व सहमतिको राष्ट्रसंघीय आणविक अस्त्र निषेध सन्धिलाई शिघ्र हस्ताक्षर÷अनुमोदन गर्न र आणविक अस्त्रको पूर्ण उन्मुलनका लागि योगदान गर्न आग्रहसहित शान्ति समाजका तर्फबाट लेखिएको ज्ञापनपत्र उपरोक्त दुतावासका वरिष्ठ अधिकारीहरुलाई शान्ति समाजका प्रतिनिधिहरुले हस्तान्तरण गरेका थिए भने चीनियाँ राष्ट्रपति सी जिनपिङ, फ्रेन्च राष्ट्रपति इम्मान्युएल म्याक्रोन, भारतीय प्रधानमन्त्री नरेन्द्र मोदी, इजरायली प्रधानमन्त्री बेन्जामिन नेतान्याहुलाई लेखिएको ज्ञापनपत्र सम्बन्धित दुतावासका अधिकारीहरुले हुलाक इमेलबाट पठाउन भनेको हुँदा सोही अनुरुप पठाइएको छ ।
अमेरिकी दुतावास अगाडिको प्रदर्शनमा शान्ति समाजका संस्थापक सभापति कृष्ण पहाडी, केन्द्रीय सदस्य गीता तिमल्सिना, सदस्य उमा गौतम, मायाँ भट्टराई, दुर्गा राना, चीनियाँ दुतावास अगाडि सभापति उत्तम पुडासैनी, शान्ति समाज काभ्रे शाखा सभापति सुमित्रा बञ्जारा, उपसभापति हेमा मानन्धर, रुसी दुतावास अगाडि वरिष्ठ उपसभापति गोविन्द खनाल, केन्द्रीय विभागीय संयोजक विष्णु भुषाल, सदस्य कमला घिमिरे, ब्रिटिस दुतावास अगाडि संस्थापक सदस्य कृष्ण कँडेल, केन्द्रीय सचिव रत्नलक्ष्मी श्रेष्ठ, केन्द्रीय सदस्य नम्रता खरेल, फ्रेन्च दुतावास अगाडि सल्लाहकार होमकान्त चौलागाई, प्रकृति, इजरायली दुतावास अगाडि संस्थापक महासचिव सुवास ढकाल, केन्द्रीय सचिव बलबहादुर गाहा मगर, केन्द्रीय सदस्य सरस्वती ढकाल, पाकिस्तानी दुतावास अगाडि कोषाध्यक्ष रामकृष्ण बराल, काठमाण्डौ शाखा सचिव ईश्वर पुडासैनी, संस्कृति हुमागाई, भारतीय दुतावास अगाडि काठमाण्डौ शाखा सभापति जगन्नाथ पुडासैनी, शान्ति समाजका पूर्व महासचिव कुमारराज सुवेदी, सदस्य ईश्वरा लिङ्देन र उत्तर कोरियाली दुतावास अगाडि ललितपुर शाखा सभापति चन्द्रमणी बञ्जारा, सन्जोग चाम्लिङ राई, विनु अधिकारीसहित ४ सय भन्दा बढी शान्तिवादीहरुको सहभागिता थियो ।
यसैगरी देशका ३१ जिल्लामा ७२ औ अन्तराष्ट्रिय मानव अधिकार दिवसका दिन यहि अभियान अन्तर्गत ३२ वटा प्रदर्शन भएको छ ।
पछिल्लो चरणमा सन् २०१७ को जुलाई ७ मा राष्ट्रसंघ आयोजित सम्मेलनद्वारा आणविक हतियार निषेध सन्धि ग्रहण भई २०१७ सेप्टेम्बर २० मा हस्ताक्षरका लागि खुला भएको र २४ अक्टोबर २०२० मा ५० राष्ट्रले अनुमोदन गरेको हुँदा त्यसको ९० दिनपछि अर्थात २०२१ को जनवरी २२ बाट यो सन्धि लागू हुन गइरहेको छ ।  यो सन्धीले आणविक अस्त्रको विकास, परिक्षण, उत्पादन÷निर्माण, भण्डारण आदीलाई निषेध गरेको छ भने आणविक अस्त्रको प्रयोग वा प्रयोग गर्ने धम्कीलाई समेत निषेध गरेको छ । यो सन्धि आणविक अस्त्रको उन्मूलनतर्फ उन्मुख भएको हुँदा विश्व शान्तिका लागि कोशेढुंगो मानिएको छ । ८४ राष्ट्रले हस्ताक्षर गरिसकेको यो सन्धिमा नेपालले हस्ताक्षर गरेता पनि हालसम्म अनुमोदन गरेको छैन भने आणविक अस्त्र भएका राष्ट्रहरु अमेरिका, रुस, चीन, ब्रिटेन, फ्रान्स, भारत, पाकिस्तान, उत्तर कोरिया र इजरायलले अझैसम्म हस्ताक्षर÷अनुमोदन गरेका छैनन् र यो सन्धि अनुमोदनका लागि अनिच्छुक देखिन्छन् ।
समाजका तर्फबाट
सरिता पौडेल
कार्यक्रम अधिकृत
मानव अधिकार तथा शान्ति समाज
मिति ः २०७७ मंसिर २५

प्रेस विज्ञप्ति
शान्ति समाजद्वारा अन्तरक्रिया, विभिन्न संस्थालाई नगद तथा पुस्तक सहयोग
अपाङ्गता भएका व्यक्तिहरुको अधिकारसम्बन्धी अन्तराष्ट्रिय दिवस ३ डिसेम्बरका दिन मानव अधिकार तथा शान्ति समाज दाङ शाखाद्वारा मंसिर १८ गते तुलसीपुरमा आयोजित कार्यक्रममा अपांगता भएका व्यक्तिहरुको अधिकारका लागि समर्पित रोशन गिरीलाई सम्मान गरिएको छ । शान्ति समाज दाङका उपसभापति तुलसीराम सुनारको सभापतित्वमा सम्पन्न अन्तरक्रिया कार्यक्रममा प्रमुख अतिथि तुलसीपुर उपमहानगरपालिकाका प्रमुख घनश्याम पाण्डे, शान्ति समाजका महासचिव सुशील बस्नेत, अपांगता भएका व्यक्तिहरुको उत्थानका लागि निरन्तर क्रियाशील अधिकारकर्मीहरु तिलसरा पुन, यज्ञ बिक, रजनी शाह एवं हुमाकन्त कँडेल र पत्रकार गोपाल शर्मा, शान्ति समाज दाङका पूर्व सभापति सुरेश श्रेष्ठ, सल्यानका पूर्व सभापति शिवशंकर गिरी, सदस्यहरु उषा गौतम, निर्मला योगीले अपांगता भएका व्यक्तिहरुको अधिकारको विषयमा केन्द्रीत रहि मन्तव्य व्यक्त गर्नुभएको थियो ।
अपागंता भएका व्यक्तिहरु सम्बन्धी अन्तराष्ट्रिय दिवसकै सन्दर्भमा शान्ति समाज रुपन्देहीले मंसिर १८ गते बुटवल १५ स्थित लुम्बिनी अपांग दुष्टिबिहिन अनाथ आश्रमलाई सेतो छडि, खाद्यान्न÷तरकारी सहयोग प्रदान गरेको छ । शान्ति समाजका तर्फबाट केन्द्रीय वरिष्ठ उपसभापति गोविन्द खनाल, केन्द्रीय सदस्य लालप्रसाद (कृष्ण) पंगेनी, शाखा सभापति धनपति खनाल(डिपी), सह सचिव कपिल ज्ञवाली, कोषाध्यक्ष कृष्ण भट्टराईसहितको टोलीले सहयोग हस्तान्तरण गरेको थियो ।
यसैगरी मानव अधिकार तथा शान्ति समाजले काठमाण्डौ बौद्धस्थित एउटै परिवारका अपाङ्गता भएका ५ जनालाई रु. १५ हजार नगद सहयोग प्रदान गरेको छ । शान्ति समाजका सभापति उत्तम पुडासैनीसहित पदाधिकारीहरुले मंसिर १८ गते काठमाण्डौमा उक्त सहयोग हस्तान्तरण गर्नुभएको हो ।
यस भन्दा पूर्व २० नोभेम्बरः अन्तर्राष्ट्रिय बाल अधिकार दिवसका अवसरमा मानव अधिकार तथा शान्ति समाजले असहाय बाल बालिकाको सरक्षणका लागि कार्यरत सुनौलो पाइला परिवार काठमाडौं लाई रु १५ हजार नगद सहयोग प्रदान गरेको थियो ।
बाल अधिकार दिवसकै दिन शान्ति समाज दाङ शाखाले केही असहाय बालबालिकालाई सहयोग स्वरुप खाद्यान्न, शैक्षिक सामग्री र केहि नगद सहयोग प्रदान गरेको थियो ।
पुस्तक सहयोग प्रदान गर्ने सन्दर्भमा कृष्ण पहाडीसँग रहेको ३०० र शान्ति समाजसँग रहेका १०० गरि ४०० पुस्तक कैलालीस्थित टिकापुर सामुदायिक पुस्तकालयलाई प्रदान गरिएको छ । कृष्ण पहाडीले यसअघि आफुसँग रहेका दर्जनौ बस्त्र केहि सामाजिक संस्थालाई प्रदान गरिसक्नु भएको छ ।
यस वर्षको अन्तर्राष्ट्रिय मानव अधिकार दिवसका दिन मंसिर २५ गते मध्यान्ह् १२ बजे शान्ति समाजले आणविक हतियार निषेध सन्धीलाई शिघ्र अनुमोदन गर्न र आणविक अस्त्ररहित विश्वको आह्वानसहित काठमाण्डौस्थित अमेरिका, रुस, चीन, ब्रिटेन, फ्रान्स, भारत, पाकिस्तान, उत्तर कोरिया र इजरायलका राजदुतावास अगाडि एकसाथ प्रदर्शन गर्दैछ ।
समाजका तर्फबाट
सरिता पौडेल
कार्यक्रम अधिकृत
मानव अधिकार तथा शान्ति समाज
मिति : २०७७ मंसिर १८

प्रेस विज्ञप्ति
अमेरिका, रुस, चीनसहित ९ देशका दुतावास अगाडि एकसाथ प्रदर्शन हुने
७२ औ अन्तराष्ट्रिय मानव अधिकार दिवस १० डिसेम्बर मंसिर २५ का दिन मानव अधिकार तथा शान्ति समाजले आणविक अस्त्रको विश्वव्यापी उन्मुलन, आणविक हतियारहरुको निर्माण र परिक्षणमा प्रतिवन्धको आग्रहसहित देशव्यापी प्रदर्शन गर्ने भएको छ । यस क्रममा १० डिसेम्बर अर्थात २०७७ मंसिर २५ गते आणविक अस्त्र भएका राष्ट्ररु अमेरिका, रुस, चीन, ब्रिटेन, फ्रान्स, भारत, पाकिस्तान, उत्तर कोरिया र इजरायलका काठमाण्डौस्थित ९ वटा दुतावास अगाडि एकसाथ मध्यान्ह् १२ बजेदेखी आधा घण्टा प्रदर्शन हुन गइरहेको छ । ‘कोभिड कहरबाट बच्न सकिन्छ तर आणविक अस्त्रको कहरबाट कस्ले बचाउने?’ लगायतका प्रश्नसहित आणविक क्लबका सदस्य राष्ट्रहरुको दुतावास अगाडि प्रदर्शन पश्चात युद्धका कुनै पनि संभावनालाई खारेज गर्न र शान्तिलाई बढावा दिन आग्रहसहित ९ वटै देशका सरकार प्रमुखहरुलाई राजदुतावास मार्फत ज्ञापनपत्र बुझाइने छ ।
अमेरिकी दुतावास अगाडि गरिने प्रदर्शनमा समाजका संस्थापक सभापति कृष्ण पहाडी, चीनियाँ दुतावास अगाडि सभापति उत्तम पुडासैनी, रुसी दुतावास अगाडि वरिष्ठ उपसभापति गोविन्द खनाल, इजरायली दुतावास अगाडि संस्थापक महासचिव सुवास ढकाल, फ्रेन्च दुतावास अगाडि सल्लाहकार होमकान्त चौलागाई, ब्रिटिस दुतावास अगाडि संस्थापक सदस्य कृष्ण कँडेल, पाकिस्तानी दुतावास अगाडि कोषाध्यक्ष रामकृष्ण बराल, भारतीय दुतावास अगाडि काठमाण्डौ शाखा सभापति जगन्नाथ पुडासैनी र उत्तर कोरियाली दुतावास अगाडि ललितपुर शाखा सभापति चन्द्रमणी बञ्जारासहित शान्तिवादीहरुको सहभागिता रहने छ ।
यसैगरी यो अभियानका क्रममा मानव अधिकार तथा शान्ति समाजका जिल्ला शाखाहरुको आयोजनामा दर्जनौ जिल्लामा प्रदर्शन हुनेछ ।
स्मरणीय छ, आणविक अस्त्रको विश्वव्यापी उन्मुलन, आणविक हतियारहरुको निर्माण र परिक्षणमा प्रतिवन्धको मागसहित शान्ति समाजले विगत २५ वर्षदेखि अभियान सञ्चालन गर्दै आएको छ भने विगत एक दशकदेखि युद्ध निषेध ः शान्ति विशेष भन्ने आह्वानसहित दर्जनौ प्रदर्शनहरु आयोजना भइसकेको छ ।
समाजका तर्फबाट
सुशिल बस्नेत
महासचिव, मानव अधिकार तथा शान्ति समाज
केन्द्रीय कार्यसमिति
मिति : २०७७ मंसिर ५

प्रेस विज्ञप्ति
लक्ष्मीजयन्तीमा ५ जिल्लामा शान्ति समाजको कार्यक्रम /स्रष्टा सम्मान–सौगात पुरस्कार अर्पण
मानव अधिकार तथा शान्ति समाजद्वारा २०७७ कात्र्तिक २९ गते महाकवि लक्ष्मीप्रसाद देवकोटाको जन्मजयन्तीका अवसरमा काठमाण्डौ, दाङ, नवलपुर, कैलाली र पर्सामा आयोजित ५ वटा कार्यक्रममा शान्ति समाजद्वारा स्थापित स्रष्टा सम्मान÷सौगात पुरस्कार (रु. २० हजार राशी र ताम्रपत्रसहित) स्रष्टाहरुलाई अर्पण गरिएको छ । कार्यक्रमहरुमा महाकवि लक्ष्मीप्रसाद देवकोटाको अभूतपूर्व साहित्यिक योगदानको चर्चा गरिएको थियो ।
काठमाण्डौमा आयोजित कार्यक्रममा प्रमुख अतिथि नेपाली कांग्रेसका वरिष्ठ नेता रामचन्द्र पौडेलले वर्ष २०७७ को कृष्णकुमारी दाहाल शान्ति श्रष्टा सम्मान अशेष मल्ललाई, पवित्रादेवी चौलागाई मानव अधिकार श्रष्टा सम्मान आहुतिलाई, चन्द्रकला खनाल अहिंसा श्रष्टा सम्मान व्याकुल माइलालाई, ज्ञानप्रसाद खनाल सहिष्णुता श्रष्टा सम्मान प्रमोद प्रधानलाई, जोगमाया बराल श्रष्टा सौगात ज्ञानुवाकर पौडेललाई, भुमीप्रसाद बराल श्रष्टा सौगात वसन्ती शाहीलाई प्रदान गर्नुभएको थियो ।
कार्यक्रममा पुरस्कृत स्रष्टाहरुलाई अन्य ५ वटा समाजसेवी संस्थाहरुका तर्फबाट समेत सम्मान गरिएको थियो ।
कार्यक्रममा वरिष्ठ नेता रामचन्द्र पौडेलले महाकवि देवकोटाको योगदानको चर्चा गर्दै देवकोटाको साहित्य जनमनमा बसेको बताउनुभयो ।
समाजका संस्थापक सभापति कृष्ण पहाडीले नेपाली साहित्यमा महाकवि देवकोटाको योगदान अद्वितीय भएको चर्चा गर्दै समृद्ध साहित्यले नै समाजलाई सुसंस्कृत र समुन्नत बनाउने धारणा व्यक्त गर्दै मानव अधिकार तथा शान्ति समाजले साहित्यको आराधन र स्रष्टा सम्मानलाई अभियानको रुपमा अघि बढाएको बताउनुभयो ।
समाजका सभापति उत्तम पुडासैनीको सभापतित्वमा सम्पन्न कार्यक्रममा सांसद एवं पूर्वमन्त्री गगन थापा, सांसद एवं पूर्व मन्त्री शेरबहादुर तामाङ, पुरस्कृत स्रष्टाहरु अशेष मल्ल, आहुति, व्याकुल माइला, प्रमोद प्रधान, ज्ञानुवाकर पौडेल र वसन्ती शाही, समाजका सल्लाहकार होमकान्त चौलागाई, संस्थापक सदस्य कृष्ण कँडेल र केन्द्रीय सदस्य नम्रता खरेलले मन्तव्य व्यक्त गर्नुभएको थियो ।

यसैगरी शान्ति समाजद्वारा नवलपुरमा आयोजित कार्यक्रममा प्रमुख अतिथि डा. गंगाधर अधिकारीले स्रष्टा गोविन्दराज विनोदीलाई महाप्रसाद रिजाल लोकतन्त्र स्रष्टा सम्मान प्रदान गर्नुभएको थियो भने नवलपुर र चितवनका विभिन्न साहित्यिक तथा सामाजिक संस्थाहरुले गोविन्दराज विनोदीलाई सम्मान गरेका थिए । शान्ति समाज नवलपुर शाखा सभापति माधवप्रसाद गौतमको सभापतित्वमा सम्पन्न कार्यक्रममा शान्ति समाजका केन्द्रीय उपसभापति गोविन्द खनाल, वरिष्ठ साहित्यकार प्रा.डा नारायण प्रसाद खनाल, वरिष्ठ साहित्यकार केदारनाथ खनाल, शान्ति समाजका केन्द्रीय सचिवद्वय श्यामसुन्दर पराजुली र बाबुहरी आचार्य, केन्द्रीय सदस्य कृष्ण पंगेनी, पूर्व सचिवद्वय विश्व बाँस्तोला र राजेन्द्र पौडेलले मन्तव्य व्यक्त गर्नुभएको थियो भने कवि मुना धनञ्जयले कविता वाचन गर्नुभएको थियो ।

यसैगरी शान्ति समाज दाङ शाखा उपसभापति तुलसीराम सुनारको सभापतित्वमा तुलसीपुरमा आयोजित कार्यक्रममा बरिष्ठ साहित्यकार एबम प्राध्यापक गदाधर पौडेलले श्रीप्रसाद दाहाल श्रष्टा सौगात बालिका चौधरीलाई प्रदान गर्नुभएको थियो भने दाङका ८ वटा साहित्यिक तथा सामाजिक संस्थाहरुले चौधरीलाई सम्मान गरेका थिए । कार्यक्रममा शान्ति समाजका केन्द्रिय महासचिब सुशील बस्नेत, सम्मानित स्रष्टा बालिका चौधरी, राप्ती साहित्य परिषद्का सल्लाहकार डाक्टर लोकराज पराजुली,दाङ साहित्य परिषद्का अध्यक्ष डिल्लीराज श्रीधर, थारु समुदायको संस्कृती कलाका अनुसन्धानकर्ता अशोक थारु, थारु लेखक सुशील चौधरी, साहित्यकार एबम ईन्जीनियिर तिलक न्यौपाने, स्रष्टा मञ्जु कँडेल, छवीकिरण वली, बृद्ध सेवा समिति जेष्ठ नागरिक समाजका अध्यक्ष खुमानन्द अधिकारी, दाङ शाखा सचिब निर्मला डिसी, बिभागीय संयोजक नवीन पोख्रेल र केन्द्रीय बिभागीय संयोजक निर्मल नेपालीले मन्तव्य व्यक्त गर्नुभएको थियो ।

यसैगरी शान्ति समाज कैलालीका सभापति भक्त विश्वकर्माको सभापतित्वमा धनगढीमा आयोजित कार्यक्रममा प्रमुख अतिथि सुदुरपश्चिम प्रदेशसभा सदस्य भरतबहादुर खड्काले राधादेवी दाहाल श्रष्टा सौगात श्रेष्ठ प्रिया पत्थरलाई प्रदान गर्नुभएको थियो भने कैलालीका ८ वटा साहित्यिक तथा सामाजिक संस्थाहरुले पनि सोही कार्यक्रममा प्रिया पत्थरलाई सम्मान गरेका थिए । कार्यक्रममा शान्ति समाजका केन्द्रीय सचिव टेकबहादुर सार्की, सुदुर पश्चिम साहित्य समाज पूर्व उपाध्यक्ष हेमन्ती जोशी, कैलाली जन पुस्तकालयका अध्यक्ष डा टी एन जोशी, नेपाली लेखक संघ कैलालीका अध्यक्ष गणेश नेपाली, सुदुरपश्चिम साहित्य समाजका उपाध्यक्ष तिर्थराज पाण्डे, साहित्यकार मनिराज जोशी, सुदुरपश्चिम साहित्य तथा संस्कृति प्रतिष्ठानका अध्यक्ष पदमराज जोशी, नेपाल पत्रकार महासंघ सुदुर पश्चिम प्रदेशका महासचिव योगेश रावल, नेपाल पत्रकार महासंघका पूर्व केन्द्रीय सदस्य कर्णबहादुर शाह, साहित्यकार लोकराज राज भण्डारी, वरिष्ठ पत्रकार मनमोहन स्वार, नेपाल रेडक्रम सोसाइटी कैलालीका सभापति उत्तम जोशी, शान्ति समाज कैलाीका सचिव हर्क देवकोटाले मन्तव्य व्यक्त गर्नुभएको थियो ।
यसैगरी शान्ति समाज पर्सा शाखा सभापति अमर बहादुर गौतमको सभापतित्वमा वीरगञ्जमा आयोजित कार्यक्रममा वीरगञ्ज उद्योग वाणिज्य संघका पुर्व अध्यक्ष तथा स्रष्टा गणेश लाठले श्रीनारायण दाहाल श्रष्टा सौगात रेणु गुप्तालाई प्रदान गर्नुभएको थियो । कार्यक्रममा वीरगञ्ज कलेजका प्रमुख बिनोद गुप्ता, लक्ष्मी साहित्य समाजका अध्यक्ष महेश गौतम, बीरगंज जेसीजका अध्यक्ष मुकेश सिंह, साहिव दरवार संस्थानका कोषाध्यक्ष चिनुमाया मानन्धर लगायतले विभिन्न संस्थाको तर्फबाट पुरस्कृत स्रष्टालाई सम्मान गर्नु भएको थियो ।

समाजका तर्फबाट
सरिता पौडेल
कार्यक्रम अधिकृत
मानव अधिकार तथा शान्ति समाज
मिति : २०७७ कात्र्तिक २९

प्रेस विज्ञप्ति
संवेदनहीन निर्णय तत्काल सच्याउन सरकारलाई आग्रह
कोभिड–१९ संक्रमण नेपालमा भयावह हुदै गइरहेको स्थितिमा पिसिआर परिक्षण निःशुल्क तवरमा व्यापक विस्तार गर्नुपर्ने, संक्रमणको चाप अनुसार समुचित उपचारको व्यवस्था गर्नुपर्ने र संक्रमण विस्तार हुन नदिन आवश्यक प्रबन्धसहित मापदण्ड अवलम्बन गर्नुपर्नेमा सरकार दिनप्रतिदिन फितलो हँुदै गएको देखिन्छ भने पछिल्लो चरणमा केही अपवादलाई छाडेर परिक्षण तथा उपचारको प्रबन्ध नागरिक आफैले गर्नुपर्ने सरकारको निर्णय÷अभिव्यक्ति गैरजिम्मेवार एवं संवेदनहीनताको पराकाष्ठा भएको मानव अधिकार तथा शान्ति समाजको धारणा रहेको छ । नागरिकहरुको स्वास्थ्य उपचारप्रति उदासिन सरकार कर्तव्यच्युत हुदै जाँदा सरकार के को लागि? भन्ने आक्रोश बढ्दै जानेप्रति गम्भीर ध्यानाकर्षण गराउँदै संक्रमण व्यापक हुँदै गएको र मृत्यदरसमेत बढ्दै गएको यस गम्भीर परिस्थितीमा उपचारका लागि अत्यावश्यक आईसियु, भेन्टिलेटरसहितका अस्पतालहरुको संख्या बृद्घि गर्नुपर्ने सरकारको प्रमुख दायित्व हो । लकडाउनको चपेटामा परि आर्थिकरुपमा जिर्ण हुँदैगएको नागरिकहरुको जीवनयापनका लागि सरकारले हरसम्भव राहतका प्याकेज ल्याउनुपर्नेमा स्वास्थ्य उपचारको समेत जिम्मेवारी नलिने निर्णय गरि सरकारले चरम गैरजिम्मेवारीपन प्रस्तुत गरेको छ । नागरिकको स्वास्थ्य, शिक्षा र जीवनयापनका सवालमा गम्भीर भई आवश्यक प्रबन्धसहितको व्यवस्था गर्न सरकारलाई मानव अधिकार तथा शान्ति समाज पुन विशेष आग्रह गर्दछ ।
समाजका तर्फबाट
सुशिल बस्नेत
महासचिव, मानव अधिकार तथा शान्ति समाज
केन्द्रिय कार्यसमिति
मिति ः २०७७ कात्र्तिक ४

प्रेस विज्ञप्ति
बलात्कार मानवता विरुद्ध अपराध हो : शान्ति समाजद्वारा विशेष अभियान प्रारम्भ
केही सांसदहरुद्वारा मृत्युदण्डको माग प्रतिगमनको अभ्यास
सामाजिक एवं मानव अधिकारको क्षेत्रमा प्रतिगमन बढ्दै गए त्यसको विरुद्ध नागरिक सत्याग्रह थालिने ः कृष्ण पहाडी
मानव अधिकार तथा शान्ति समाजले बलात्कार मानवता विरुद्ध अपराध हो : दोषीहरुले उन्मुक्ति पाउनु हुदैन भन्दै बलात्कारका घटनामा दोषी÷अभियुक्तलाई मिलापत्र गरेर उन्मुक्ति दिने जनप्रतिनिधि, प्रहरी, प्रशासक, अगुवालाईसमेत दण्डित गर्न दबाबसहित शान्तिपूर्ण अभियान प्रारम्भ गरेको छ । अन्तराष्ट्रिय अहिंसा दिवस २ अक्टोवर १६ असोजका दिन काठमाण्डौ, वुटवल रुपन्देही र तुलसीपुर दाङबाट प्रारम्भ यो अभियानका क्रममा काठमाण्डौमा भर्चुअल अन्तरक्र्रिया, वुटवलमा टेलिभिजन परिसंवाद र दाङमा रेडियो परिसंवाद कार्यक्रम आयोजना गरिएको थियो ।
काठमाण्डौमा शान्ति समाजद्वारा आयोजित भर्चुअल अन्तरक्र्रियामा बोल्दै समाजका संस्थापक सभापति कृष्ण पहाडीले बलात्कार जघन्य अपराध भएको, त्यसमा पनि बालिका (चाइल्ड) बलात्कार मानवता विरुद्धको अपराध हो भन्दै बलात्कारका घटना बढ्दै जाँदा सभ्यता कलंकित हुँदै जाने भएकोले बलात्कारका घटनामा मृत्युदण्ड बाहेक सभ्य समाजले स्विकार गर्ने प्रभावकारी कदम चाल्न आह्वान गर्नुभयो । तर कुनै पनि कानुनको दुरुपयोग हुन नहुनेतर्फ ध्यानाकर्षण गराउँदै पहाडीले कानुनी शासन, स्वच्छ एवं निष्पक्ष कानुनी उपचार र जोसुकै हुन, उनीहरुको मानव अधिकारको सदा सर्वदा संरक्षण÷सम्मान हुनुपर्ने उल्लेख गर्नुभयो । मृत्युदण्ड त्रासदी हो भन्दै ३२ वर्ष अगाडीबाट राज्यले गर्ने हिंसारुपी मृत्युदण्ड उन्मुलनका लागि आफुँले पसिना बगाएको चर्चा गर्दै पहाडीले मृत्युदण्डको माग मार्फत केहि सांसदहरुले मानव अधिकारको क्षेत्रमा प्रतिगमनको विजारोपण गर्न खोज्दै नेपालको नागरिक आन्दोलन र मानव अधिकार अभियानलाई चुनौति दिएको हुँदा प्रतिगमनकारी प्रवृत्ति बढ्दै गए त्यसको विरुद्ध नागरिक सत्याग्रह थालिने उद्घोष गर्नुभयो ।
“नेपालको संविधानको मौलिक हक र कर्तव्य अन्तर्गत भाग ३ को १६ (२) मा कसैलाई पनि मृत्युदण्डको सजाय दिने गरी कानुन बनाइने छैन भन्ने व्यवस्था भएकोमा संविधान संशोधन गरी सो व्यवस्था खारेज गर्न मृत्युदण्डको माग गर्नु प्रतिगामी चिन्तनको उपज हो भन्दै पहाडीले सन् १९९८ मा नेपालले अनुमोदन गरी राज्य पक्ष भएको मृत्युदण्ड उन्मुलन गर्ने उद्देश्यले व्यवस्था भएको नागरिक तथा राजनीतिक अधिकार सम्बन्धी अन्तर्राष्ट्रिय प्रतिज्ञापत्रको दोस्रो स्वेच्छिक उपलेखबाट पछि हट्ने माग मानव अधिकारको क्षेत्रमा स्पष्ट प्रतिगमनको विजारोपण हो । नेपालको संविधानको भाग ३ मा ३३ धारामा प्रत्याभूत मौलिक हकहरु विशिष्ट हुँदा हुँदै कार्यान्वयन पक्ष कमजोर रहेको सन्दर्भमा मानव अधिकार÷मौलिक हकहरुको निर्वाध उपभोगका लागि कार्यान्वयन पक्षमा जोड दिनु पर्नेमा संविधानको भाग ३ को मृत्युदण्ड उन्मुलन सम्बन्धी मौलिक हकको पहिलो धारा हटाउन खोज्नु, अन्य मौीलक हक अधिकारको पनि निलम्बन÷खारेजीको प्रपञ्च हुन सक्ने भन्दै पहाडीले महिला, दलित, आदिवासी, जनजाति, मधेशी, विपन्न, सिमान्तिकृतहरुको हक अधिकार स्थापित एवं सुद्धृढ बनाउन संविधानको मौलिक हकमा अरु अधिकारहरु थप्दै जानु पर्नेमा कठोर संघर्षबाट स्थापित अधिकार नै हटाउने माग गर्नेहरु स्वतन्त्रता विरोधी हुन‘ पहाडीले थप्नुभयो । देशका विभिन्न भागमा दलितहरुमाथि हिंसा र अत्याचार बढ्दै जानु सामाजिक प्रतिगमन चुलिदै गएको उदाहरण हो भन्दै पहाडीले नेपालमा विभिन्न कोणबाट विज्ञान विरोधी बहस चर्काएर जनमत निर्माण गर्न खोज्नु विज्ञानको क्षेत्रमा प्रतिगमनको संकेत हो भन्नुभयो । विगत साढे २ वर्षमा सरकारले झण्डै एक दर्जन स्वतन्त्रता विरोधी विधेयक र लोकतन्त्र विरोधी अध्यादेश ल्याएको÷अघि बढाएको चर्चा गर्दै पहाडीले स्वतन्त्रता विरोधी अभ्यासनै राजनीतिक प्रतिगमनको सिढी हुन सक्ने भन्दै चिन्ता व्यक्त गर्नुभयो । गृहमन्त्री रामबहादुर थापाले कहिले पुँजीवादका कारण बलात्कारका घटना बढेको भन्ने कहिले गलत उदाहरण दिएर गुमराह गर्ने गरेकोप्रति आपत्ति व्यक्त गर्दै पहाडीले राज्य संयन्त्रले कतै बलात्कारका दोषी पत्ता लगाउन नसकेको कतै सत्तारुढ लगायतका राजनीतिक दलहरुले नै अपराधीलाई संरक्षण गर्ने गरेको र दण्डहीनतालाई बढावा दिएको हुँदा व्यापक जन आक्रोश बढेको र त्यसका लागि मूलत सत्ता र राजनीतिक दलहरुनै जिम्मेवार रहेको भन्दै आफ्नो असफलता र असक्षमतालाई ढाकछोप गर्न मृत्युदण्डको बहस चलाउनु दुर्भाग्यपूर्ण एवं आपत्तिजनक भएको धारणा व्यक्त गर्नुभयो ।
समाजका वरिष्ठ उपसभापति गोविन्द खनालको सभापतित्वमा सम्पन्न अन्तरक्र्रियाको सञ्चालन महासचिव सुशिल बस्नेतले गर्नुभएको थियो भने शान्ति समाजका संस्थापक सदस्य कृष्ण कँडेल, सचिव मदन बहादुर कुँवर, कोषाध्यक्ष रामकृष्ण बराल लगायत शान्तिवादीहरुले यो अभियानबारे चर्चा गर्नुभएको थियो । जुम अन्तरक्र्रियामा शान्तिवादीहरुसहित बझाङ जिल्लाका प्रशासन÷सुरक्षा निकायका अधिकारीहरुको समेत सहभागिता थियो ।
यसैगरी यो अभियानकै क्रममा मानव अधिकार तथा शान्ति समाज रुपन्देही शाखाको आयोजना र वुद्ध टेलिभिजनको सहकार्यमा असोज १६ गते वुटवलमा बलात्कार मानवता विरुद्ध अपराध हो शिर्षकमा सम्पन्न टेलिभिजन परिसंवाद कार्यक्रममा शान्ति समाजका वरिष्ठ उपसभापति गोविन्द खनाल, वरिष्ठ पत्रकार बालकृष्ण चापागाई, नेपाल बार काउन्सिलका सदस्य एवं अधिवक्ता बाबुराम पाण्डे, शान्ति समाज रुपन्देही सभापति डिपी खनालले प्रस्तुत विषय र अभियानबारे प्रकाश पार्नुभएको थियो ।
यसैगरी शान्ति समाज दाङ शाखाको आयोजनामा असोज १६ गते रेडियो तुलसीपुरबाट प्रशारित रेडियो परिसंवाद कार्यक्रममा महिला मानव अधिकार रक्षकका निवर्तमान अध्यक्ष सुष्मा गिरी, बह्माकुमारी राजयोग ईश्वरीय बिश्व बिधालय राप्तिका प्रमुख गीता तिमिल्सिना, अधिकारकर्मी निर्मल नेपालीले उपरोक्त विषय र अभियानबारे प्रकाश पार्नुभएको थियो भने कार्यक्रम संचालक नवराज जिएमले गर्नुभएको थियो ।
स्मरणीय छ, २००७ जुन १५ का दिन संयुक्त राष्ट्र महासभाले अक्टोवर २ लाई अन्तर्राष्ट्रिय अहिंसा दिवसका रुपमा मनाउने निर्णय गरेको थियो । भारतीय स्वतन्त्रता आन्दोलनका अग्रणी महात्मा गान्धीलाई अहिंसात्मक आन्दोलन र सामाजिक परिवर्तनका लागि उत्प्रेरक मानिन्छ । अक्टोबर २ महात्मा गान्धीको जन्मजयन्ती पनि हो ।
समाजका तर्फबाट
सरिता पौडेल
कार्यक्रम अधिकृत, मानव अधिकार तथा शान्ति समाज
मिति ः २०७७ असोज १६

प्रेस विज्ञप्ति
अन्तर्राष्ट्रिय जेष्ठ नागरिक दिवस/शान्ति समाजद्वारा तीन कार्यक्रम सम्पन्न
अन्तर्राष्ट्रिय जेष्ठ नागरिक दिवसका अवसरमा मानव अधिकार तथा शान्ति समाजले १ अक्टोबर, असोज १५ गते बिहान काठमाडौंको कागेश्वरी मनोहरास्थित जेष्ठ नागरिक सेवा केन्द्रका जेष्ठ नागरिकहरुलाई मिठाई, फलफूल, हर्लिक्ससहित रु. २२५०० को खाद्यान्न सहयोग उपलब्ध गराएको छ । मानव अधिकार तथा शान्ति समाजका तर्फबाट सभापति उत्तम पुडासैनी र कोषाध्यक्ष रामकृष्ण बराल सेवा केन्द्रमा पुगि केन्द्रका अध्यक्ष पुष्कर प्याकुरेललाई सहयोग सामग्री हस्तान्तरण गर्नुभएको थियो ।
यसैगरी जेष्ठ नागरिक दिवसको अवसरमा मानबअधिकार तथा शान्ति समाज रुपन्देहीको आयोजनामा “सिद्बबाबा दुर्गा भवानी शिबकुमारी सैंजु जेष्ठ नागरिक आश्रम“ का सम्मानित १० जना जेष्ठ नागरिकहरुलाई २१२५० मुल्यका लुगाहरु उपलब्ध गराइएको थियो भने साझा हस्पिटल प्रा.लिमा उपचारारत बिरामीहरुलाई फलफुल, दूध वितरण गरिएको थियो । कार्यक्रममा रुपन्देही शाखा सभापति धनपती खनाल (डि पि), केन्द्रिय सदस्यद्वय मिना ढकाल र कृष्ण पंगेनी, अधिकारकर्मी कमला पान्डे, कृष्ण पाण्डे, जमुना पौडेल लगायतको सहभागिता रहेको थियो ।
यसैगरी मानव अधिकार तथा शान्ति समाज दाङ शाखाद्वारा असोज १५ गते तुलसीपुरस्थित केशवराज झुपाकुमारी बृद्ध सेवा समितिको प्राङगणमा सरसफाई तथा अन्तरक्रिया कार्यक्रम सम्पन्न भएको छ । अन्तरक्रिया कार्यक्रममा बोल्दै जेष्ठ नागरिक समाजका अध्यक्ष खुमानन्द अधिकारीले जेष्ठ नागरिकहरुको सहभागिता बिना बनाईएका ऐन नियम कार्यान्वयन समेत हुन नसकेको र जेष्ठ नागरिकहरुले माग गर्दै आएको सार्वजनिक सवारीका साधनको भाडामा ५० प्रतिशत भाडा छुट,नि ः शुल्क औषधिको उपलब्धता लगायतका बारेमा ३ वटै तहका सरकार गम्भीर हुन नसकेको बताउनुभयो । मानव अधिकार तथा शान्ति समाजका महासचिब सुशील बस्नेतले जेष्ठ नागरिकहरुको बिशेष संरक्षण तथा सामाजिक सुरक्षाको हक सुनिश्चीत गर्नुपर्ने बताउनुभयो । शान्ति समाज दाङ शाखा सभापति शरद रेग्मीको सभापतित्वमा जेष्ठ नागरिकहरुको हक अधिकारमा केन्द्रित रहि आयोजित अन्तरक्रियामा अधिकारकर्मीहरु निर्मल नेपाली, सम्झना डाँगी, इन्द्रवहादुर बुढाथोकी, हुमाकान्त कँडेल, तुलसीराम सुनार, कमल डाँगी, उषा गौतम र पत्रकार बालाराम खड्का लगायतले मन्तव्य व्यक्त गर्नुभएको थियो ।
समाजका तर्फबाट
सरिता पौडेल
कार्यक्रम अधिकृत, मानव अधिकार तथा शान्ति समाज
मिति ः २०७७ असोज १५