शान्ति समाजद्वारा काठमाण्डौमा राहत वितरण
अति विपन्न ३५ श्रमिक परिवारलाई मानव अधिकार तथा शान्ति समाज काठमाण्डौ शाखाले २०७७ वैशाख २ गते बिहान काठमाण्डौमा चामल, तेल, पिठो गरी रु. ७३ हजार ५ सयको राहत सामग्री वितरण गरेको छ ।
काठमाण्डौको गुह्ेश्वरीस्थित असहाय बाच्छाबाच्छी संरक्षण स्थल रहेको चौर नजिकै खुला स्थानमा गोकर्णेश्वर नगरपालिकाका मेयर सन्तोष चालिसे, मानव अधिकार तथा शान्ति समाजका केन्द्रिय सभापति उत्तम पुडासैनी, सल्लाहकार होमकान्त चौलागाई, काठमाण्डौ शाखा सभापति जगन्नाथ पुडासैनीसहितले विपन्न परिवारलाई राहत सामग्री हस्तान्तरण गर्नुभएको हो ।
यसैगरी मानव अधिकार तथा शान्ति समाज दाङ शाखाले २०७६ चैत ३० गते कोरोना भाईरस संक्रमण(कोभिड १९)का कारण लकडाउनका अवधिमा दैनिकी चलाउन कठिनाई सामना गरिरहेका दाङका विपन्न श्रमिक परिवारका लागि दाल, चामल गरि रु.२३ जार २ सय ५० को खाद्यान्न सामग्री हस्तान्तरण गरेको थियो ।

दाङमा राहत हस्तान्तरण/सहकार्य बाक्लो बनाउन र संयन्त्र निर्माण गर्न आग्रह
१. मानव अधिकार तथा शान्ति समाज दाङ शाखाले कोरोना भाईरस संक्रमण(कोभिड १९)का कारण लकडाउनका अवधिमा दैनिकी चलाउन कठिनाई सामाना गरिरहेका विपन्न श्रमिक परिवारका लागि दाल, चामल लगायत रु.२३ हजार २ सय ५० को उपभोग्य सामग्री हस्तान्तरण गरेको छ । विमल रिजाल सहित शान्ति समाजका सदस्यहरुबाट प्राप्त उक्त सहयोग बिपन्न तप्कामा बितरण गर्ने गरि तुलसीपुर उपमहानगरपालिकाका प्रमुख घनश्याम पाण्डेलाई चैत ३० गते शान्ति समाजका केन्द्रिय महासचिब सुशील बस्नेत, दाङ सभापति शरद रेग्मी, उपसभापति तुल्सीराम सुनार, सचिव निर्मला डाँगी सहितले हस्तान्तरण गर्नुभएको हो । फुड बैकमा जम्मा भएको उक्त राहत सामग्री विपन्न श्रमिकहरुलाई बितरण गरिने नगरप्रमुख घनश्याम पाण्डेले बताउनुभयो ।
२. मानव अधिकार तथा शान्ति समाज रुपन्देहीका कोषाध्यक्ष तिलोत्तमा—५, मणिग्राम निवासी युवा उद्यमी कृष्ण भट्टराईले रुपन्देहीको तिलोत्तमा नगरपालिका शंकरनगरमा सञ्चालित क्वारेन्टाईनमा दैनिक १० लिटर दुध र हप्ताको दुई पट्क पनिर सहयोग स्वरुप उपलब्ध गराउने हुनुभएको छ ।
३. लकडाउनको अवधिलाई सहजिकरण गर्न उपायहरुसहित सबै तहका सरकार÷निकायहरुले राहत सहितको सेवामुखी योजना अवलम्बन गर्न शान्ति समाज आग्रह गर्दछ ।
४. अन्य राष्ट्ररुमा झै कोभिड १९ का संक्रमित बिरामिहरुको उपचारमा प्रयोग गर्ने औषधिको आधिकारिक प्रोटोकल तयार गर्न सरकारलाई शान्ति समाज आग्रह गर्दछ । यसैगरी चिकित्सक÷ स्वास्थकर्मीहरु स्वयंलाई संक्रमणबाट सुरक्षाका लागि आवश्यक सामग्रीसहित प्रिभेन्टीभ औषधीको समेत व्यवस्था गर्न शान्ति समाज सरकारलाई आग्रह गर्दछ ।
५. चिकित्सक तथा स्वास्थ्यकर्मीहरुको सुरक्षा र संरक्षणका लागि पर्याप्त विमा, भइपरी आउँदा उल्लेख्य सहयोग व्यवस्था गर्न सरकारलाई शान्ति समाज पुन आग्रह गर्दछ । यसैगरी लकडाउनको अवधिमा चिकित्सकको परामर्श विना जथाभावी आफुखुसी औषधीको प्रयोग नगर्न सबै नागरिकहरुलाई शान्ति समाज आग्रह गर्दछ ।
६ .कोभिड १९ संक्रमण रोकथाम÷नियन्त्रणका लागि प्रभावकारी व्यवस्था हेतु सरकार, राजनीतिक समाज र नागरिक समाजबिच सहकार्यका लागि एक महिना अगाडिदेखी नै शान्ति समाजले आग्रह गर्दै आएको पुन स्मरण गराउँदै कोभिड १९ का कारण विद्यमान संकटको सामना र समाधानका लागि त्यस्तो सहकार्यलाई बाक्लो बनाउन र विज्ञ चिकित्सक÷स्वास्थ्यकर्मी समेत सम्मिलित संयन्त्र समेत निर्माण गर्न र सम्पुर्ण निकायहरुबिच समन्वयलाई प्रभावकारी बनाउन शान्ति समाज सरकारलाई पुन आग्रह गर्दछ ।
समाजका तर्फबाट
सुशिल बस्नेत
महासचिव
मानव अधिकार तथा शान्ति समाज
केन्द्रिय कार्यसमिति
मिति : २०७६ चैत ३०

४५ जनाद्धारा रक्तदान
लकडाउनको अवधिमा रगतको अभाव हुन नदिन मानव अधिकार तथा शान्ति समाजको आयोजनामा चैत २२ गते बिहान काठमाण्डौमा रक्तदान कार्यक्रम सम्पन्न भएको छ । गुह्ेश्वरी वाग्मती किनारमा अवस्थित खुला चौर (असहाय बाच्छाबाच्छी संरक्षण स्थल)मा सम्पन्न रक्तदान कार्यक्रमा गोकर्णमणी पुडासैनी, हरिभक्त पुडासैनी, परशुराम पुडासैनी, आत्मराम पुडासैनी, राजेन्द्र खनाल, विनोद पुडासैनी, रवि मानन्धर, गणेश हुमागाई, प्रकाश पुडासैनी, नरेश पुडासैनी, रामशरण भारती, राकेश बोहरा, ज्योती पुडासैनी, धनलाल कँडेल, कुमार पुडासैनी, पुष्कर पुडासैनी, बद्री पुडासैनी, बाबुराम बस्नेत, नारायण बहादुर सुवेदी, दिपक पुडासैनी, विवेक पुडासैनी, प्रणव पुडासैनी, रितेश पौड्याल, विजय लामा, असितमान श्रेष्ठ, रामहरी सापकोटा, अजिप लामा, सोनाम तामाङ, सन्ध्या पुडासैनी, मनिष पुडासैनी, साहिल पुडासैनी, इमान लामा, सिता घलान, दुर्गा राना, श्रीकृष्ण पुडासैनी, सरु पुडासैनी, सोमन पुडासैनी, सुरज लामा, कृष्णप्रसाद फुयाल, रुपेश पुडासैनी, नारायण कुमार पुडासैनी, रोज विष्ट, रामचन्द्र दंगाल, संजीत कार्की र सुमना गिरी सहित ४५ जनाले रक्तदान गर्नुभएको थियो ।
सुरक्षाका मापदण्डहरु अवलम्वन गर्दै सतर्कताका साथ सम्पन्न रक्तदान कार्यक्रममा रक्तदाताहरुलाई मानव अधिकार तथा शान्ति समाजका केन्द्रिय सभापति उत्तम पुडासैनीले धन्यवाद ज्ञापन गर्नुभएको थियो । त्यस दौरान गोकर्णेश्वर नगरपालीकाका मेयर सन्तोष चालीसे, उपमेयर शान्ति नेपाल, कागेश्वरी मनोहराका मेयर कृष्णहरी थापासहित जनप्रतिनिधिहरुको समेत सहभागिता थियो ।
यसैगरी शान्ति समाज रुपन्देही शाखाले चैत २१ गते वुटवलस्थित सुकुम्बासी बस्तिका विपन्त परिवारलाई रु. ५० हजारको खाद्यान्नसहित राहत सामग्री प्रदान गरेको थियो भने त्यस अघि चैत १० गते बुटवलमा तीन सय वटा मास्क वितरण गरेको थियो ।

शान्ति समाजद्धारा राहत वितरण : सदैव प्रेस स्वतन्त्रताको संरक्षण र पत्रकारको सुरक्षा हुनुपर्ने
१.मानव अधिकार तथा शान्ति समाज रुपन्देही शाखाले वुटवल ११ स्थित हात्तिसुड सुकुम्बासी टोलका विपन्न परिवारलाई चामल, तेल, नुन, आलु, सोयाविन, साबुन, चाउचाउ, मास्कसहित ५० हजार मुल्यको राहत सामग्री सहयोग गरेको छ । २०७६ चैत २१ गते शान्ति समाजका केन्द्रिय वरिष्ठ उपसभापति गोविन्द खनाल, रुपन्देही शाखा सभापति डिपी खनाल, सचिव अर्जुन ज्ञवाली, सह सचिव कपिल ज्ञवाली, सदस्य कृष्ण पाण्डे सम्मिलित टोलिले उक्त बस्तिमा गई टोल बिकास संस्था मार्फत ७० परिवारलाई राहत सामग्री प्रदान गरेको थियो ।
२. दक्षिणी सीमानामा अलपत्र परेका सयौ नेपालीलाई नेपाल प्रवेश गर्न नदिएको घटनाको शान्ति समाज निन्दा गर्दछ र यस्तो आपराधिक नीतिलाई तत्काल सच्याउन आग्रह गर्दै सीमानामा अलपत्र परेका नेपालीहरुलाई तत्काल देश प्रवेश गराई क्वारेन्टाइनमा राख्ने लगायत आवश्यक उपचारको व्यवस्था गर्न शान्ति समाज सरकारलाई आग्रह गर्दछ ।
३. कोभिड १९ परिक्षणको दायरालाई व्यापक रुपमा बिस्तार गर्न र त्यस्तो परिक्षण सबैतिर निशुल्क हुनुपर्ने सुनिश्चित गर्न सरकारलाई शान्ति समाज आग्रह गर्दछ ।
४.अति विपन्न÷विपन्न वर्गलाई यथोचित राहत उपलब्ध गराउन र आम नागरिकलाई सुपथ मुल्यमा सहज तवरमा जीवन यापन गर्ने सामग्री उपलब्ध गराउने व्यवस्था गर्न शान्ति समाज सरकारलाई आग्रह गर्दछ ।
५. देशभरका निजी लगायत सम्पूर्ण अस्पताल÷स्वास्थ्य संस्थाहरु अनिवार्य रुपमा सञ्चालन गर्न, स्वास्थ्यकर्मीहरुलाई आवश्यक सुरक्षात्मक बस्त्र÷औजार उपलब्ध गराउन, स्वास्थ्यकर्मीहरुको मनोबल बढाउन र स्वास्थ्यकर्मीहरुलाई प्रोत्साहन गर्न शान्ति समाज सरकार समक्ष आग्रह गर्दछ ।
६. लकडाउनका दौरान नागरिकहरुको मनोबल उच्च बनाउन विद्युतीय सञ्चारमाध्यम मार्फत योग, ध्यान प्राणायम जस्ता कार्यक्रमहरुको विस्तारमा जोड दिन सम्बन्धीत सबैलाई शान्ति समाज आग्रह गर्दछ ।
७. हालै स्वास्थ सामग्री खरिदमा व्यापक भ्रष्टाचार पर्दाफास भएको सन्दर्भमा उच्च स्तरीय तवरमा छानविन गरी मूल दोषीमाथि कारबाही सुनिश्चित गर्न सरकारलाई शान्ति समाज आग्रह गर्दछ । यो प्रकरणमा सरकारको उच्च नेतृत्व उदासिन रहने हो भने संलग्नता पनि उच्च नेतृत्वकै मानिने अवस्था सिर्जना हुन सक्छ ।
८. केही अनलाइनहरु सरकारले ब्लक÷बन्द गर्न कदम चालेको सन्दर्भमा शान्ति समाजको ध्यानाकर्षण भएको छ । दर्ता भई कानुन सम्मत तवरले सञ्चालन भइरहेका सञ्चारमाध्यमहरुले कानुन उल्लंघन गरेको भए कानुन सम्मत प्रक्रिया अघि बढाउनु स्वभाविक हुन सक्छ तर ब्लक÷बन्द गर्ने सरकारी कदम अस्वभाविक एवं आपत्तिजनक छ । संकटको यस्तो बेला सबै सञ्चारमाध्यमहरु अझ जिम्मेवार÷मर्यादित ढंगले प्रस्तुत हुनुपर्ने अपेक्षा रहेको छ भने संकट समाधानका लागि सरकार– सञ्चार जगतबिच अझ बढी सहकार्य आवश्यक छ । तर उच्चस्तरीय संलग्नताको आधारसहित भ्रष्टाचारका समाचारहरु प्रकाशित हुन थालेपछि सरकार तिल्मिलाएको देखिन्छ । विपतकालीन अवस्थामा शक्तिको दुरुपयोग गर्दै सञ्चार जगतमाथि सरकारको वक्र दृष्टि÷प्रहारको शान्ति समाज निन्दा गर्दछ । साथै जस्तोसुकै अवस्थामा पनि प्रेस स्वतन्त्रताको संरक्षण र पत्रकारहरुको सुरक्षा सुनिश्चित हुनुपर्ने तर्फ शान्ति समाज सरकारको ध्यानाकर्षण गराउँछ ।
समाजका तर्फबाट
सुशिल बस्नेत
महासचिव
मानव अधिकार तथा शान्ति समाज
केन्द्रिय कार्यसमिति
मिति : २०७६ चैत २१

प्रेस विज्ञप्ति

सजगता अभियान प्रारम्भ/आपुर्ति ब्यवस्थालाई सहज बनाउनका लागि ठोस कदम चाल्न आग्रह

नोवल कोरोना भाइरस नियन्त्रण/रोकथामका सन्दर्भमा केन्द्रित रही मानव अधिकार तथा शान्ति समाजले देशव्यापी रुपमा सजगता अभियान प्रारम्भ गरेको छ । कोरोना भाइरस नियन्त्रण रोकथामका
लागि शान्ति समाजले राज्य÷सरकारसँग सहकार्य गर्ने प्रस्ताव अघि सारेको छ । कालोबजारी रोक्न प्रभावकारी अनुगमनमा जोड दिदै, आपुर्ति ब्यवस्थालाई सहज बनाउनका लागि ठोस कदम चाल्न पनि शान्ति समाजले सरकारसँग आग्रह गरेको छ ।
अराजकता÷अब्यवस्था÷ कानुन बिहिनताको स्थिति उत्पन्न हुन नदिन नागरिक खबरदारीका साथै नागरिक सहकार्यमा जोड दिदै अभाव र असुरक्षाको स्थिति उत्पन्न हुन नदिन राज्य, राजनीतिक समाज, नागरिक समाज सहकार्यका लागि शान्ति समाजले आह्वान गरेको छ । नोवल कोरोना भाइरस नियन्त्रण÷रोकथामका लागि पूर्व सतर्कता, अधिक सावधानी र सफाई अभियानको विस्तारमा जोड दिदै शान्ति समाजले जिल्ला जिल्लामा शान्ति समाजका सदस्यहरु परिचालन गर्ने भएको छ ।
कोरोना भाइरस प्रकोपका सन्दर्भमा सावधानी स्वरुप शान्ति समाजले वैशाख महिना सम्मका आधा दर्जन बढी नियमित अभियान÷कार्यक्रमहरु स्थगित गरिसकेको छ भने अबको मूल अभियान नोवल कोरोना भाइरस नियन्त्रण÷रोकथामका सन्दर्भमा केन्द्रित रहने छ । यसै अभियानका क्रममा शान्ति समाज रुपन्देही र दाङ शाखाले चैत ४ गते रुपन्देही र दाङका प्रमुख जिल्ला अधिकारीलाई ज्ञापनपत्र बुझाएको छ ।

समाजका तर्फबाट

सुशिल बस्नेत
महासचिव
मानव अधिकार तथा शान्ति समाज
केन्द्रिय कार्यसमिति
मिति ः २०७६ चैत ४

आधा दर्जन अभियान/कार्यक्रम स्थगित, अफ्वाहबाट जोगिनु आवश्यक
एकातिर कोरोना भाइरसको कारण विश्वव्यापी सन्त्रास र जनजीवन अस्तव्यस्त हुँदै गएको अर्कोतिर सजगता स्वरुप नेपाल सरकारले जनसहभागीता हुने कार्यक्रम नगर्न आह्वान गरेको सन्दर्भमा मानव अधिकार तथा शान्ति समाजले चैत १ गतेको पुरस्कार वितरण कार्यक्रम, चैत १ गते बोलाइएको केन्द्रिय कार्यसमिति बैठक, गण्डकी क्षेत्र केन्द्रित दोस्रो चरणको हिमालय बचाउँ अभियान, भ्रष्टाचार विरुद्धको जिल्ला जिल्लामा धर्ना कार्यक्रम, वैज्ञानिक शिक्षा र गुणस्तरीय स्वास्थ्य सम्बन्धि अभियान अन्तर्गत जिल्ला जिल्लाको कार्यक्रम र कारागार अनुगमन लगायतका अभियान र कार्यक्रम हाललाई स्थगित गरेको छ ।
कोरोना लगायत भाइरसको प्रकोपबाट बच्नका लागि पूर्व सतर्कता÷सजगता, स्वस्थ भोजन र सफाई आवश्यक भएको धारणा मानव अधिकार तथा शान्ति समाजको रहेको छ । यस्तो प्रकोपबाट बच्न सामुहिक सहकार्य हुनुपर्छ र अत्याधिक सजगता अपनाउनुपर्छ । यद्यपि हालै समाजका पदाधिकारीहरुले गरेको चीन सिमानाको सिन्धुपालचोक जिल्लाको हेलम्बु क्षेत्र र संखुवासभा जिल्लाको मकालु लगायत १ नम्बर प्रदेशका ५ जिल्लाको भ्रमणको अनुभवको आधारमा ती क्षेत्रहरुमा जनजीवन सामान्य रहेको पाइएको छ । विपतको बेला समस्या समाधानका लागि सबै क्षेत्रबाट सक्दो प्रयास गर्नु र अफ्वाहहरुबाट जोगिनु पनि त्यत्तिकै आवश्यक भएको शान्ति समाजको धारणा छ ।

प्रेस विज्ञप्ति
बातावरण बिनासका पछाडि भ्रष्टाचार प्रमुख कारण
मानव अधिकार तथा शान्ति समाजद्वारा संचालित बातावरणीय अभियानका क्रममा फागुन १७ गते दिउसो धनकुटा सदरमुकाममा नागरिक सभा सम्पन्न भएको छ । सभालाई सम्बोधन गर्दै नागरिक अगुवा डा. देबेन्द्रराज पाण्डेले बातावरण बिनासका पछाडि भ्रष्टाचार एक प्रमुख कारण रहेको धारणा ब्यक्त गर्नुभयो । सभामा बोल्दै अर्का नागरिक अगुवा कृष्ण पहाडीले एकातिर भ्रष्टाचार र अर्कोतिर दण्डहिनता बढ्दै गएकाले आम नागरिकमा निरासा बढ्न थालेको बताउनु भयो । लोकतन्त्रलाई जोगाउने हो भने आरोपित नेताहरुलाई कानूनको दायरामा ल्याई कारवाही सुनिश्चित गर्न ढिलो गर्न नहुने धारणा ब्यक्त गर्नुभयो ।
शान्ति समाज धनकुटा शाखाका सभापति घनेन्द्र कुमार सुब्बाको सभापतित्वमा सम्पन्न कार्यक्रममा शान्ति समाजका सभापति उत्तम पुडासैनी, बरिष्ट उपसभापति गोबिनद खनाल, महासचिव सुशिल बस्नेत र थिरेन्द्र बहादुर लिम्बुले मन्तब्य ब्यक्त गर्नुभएको थियो । सभामा कबि अर्जुन पराजुली, सुदेश सत्याल र केजी सुब्बाले बिकृती र बिसंगतिमाथी प्रहार गर्दै कबिता सुनाउनु भएको थियो ।

प्रेस विज्ञप्ति
तेह्रथुम कारागारलाई खेलकुद सामग्री प्रदान
मानव अधिकार तथा शान्ति समाजका तर्फबाट तेह्रथुम कारागारलाई रु. ११ हजार मुल्यको खेलकुद सामग्री प्रदान गरिएको छ ।
शान्ति समाजका संस्थापक सभापति कृष्ण पहाडीले उक्त सामग्री फागुन १७ गते बिहान कारागारका अधिकारीलाई हस्तान्तरण गर्नुभएको हो । स्मरणीय छ ३० बर्ष अगाडि जनआन्दोलनका दौरान २०४६ चैत्रमा पहाडी एक महिना बढी उक्त कारागारमा थुनिनु भएको थियो ।
फागुन १७ गते तेह्रथुममा हिमालय बचाउ नदी जोगाउ शिर्षकमा नागरिक सभा सम्पन्न भएको छ । सभाका बक्ताहरुले बातावरण संरक्षणका पक्षमा धारणा राख्नुका साथै देशमा ब्याप्त भ्रष्टाचार र दण्डहिनताको ब्यापक बिरोध गरेका थिए । शान्ति समाज तेह्रथुम शाखा सभापति लक्ष्मीनारायण मित्रश्रको सभापतित्वमा सम्पन्न नागरिक सभामा नागरिक अगुवाहरु डा. देबेन्द्रराज पाण्डे, कृष्ण पहाडी, समाजका सभापति उत्तम पुडासैनी, बरिष्ठ उपसभापति गोबिन्द खनाल, महासचिव सुशिल बस्नेत, तेह्रथुम शाखा कोषाध्यक्ष विमला श्रेष्ठ, पुर्व सांसदरु तेजमान तुम्वाहाम्फे, पुर्वी शेर्पा लगायतका बक्ताहरुले मन्तब्य ब्यक्त गर्नुभएको थियो भने नागरिक अगुवा अर्जुन पराजुली र छन्दकवि सुदेश सत्यालले कबिता सुनाउनु भएको थियो ।