२०७२ बैशाख १२ गते शनिबार गएको महाभुकम्प र त्यस पछिका लगातारका प्रतिकम्पनले निम्त्याएका प्राकृतिक महाबिपत्तिको यस बिषम परिस्थितीलाई हामीसबै मिलेर सामना गर्ने छौं र पुनःनिर्माणमा जुट्ने छौं ।
अहिलेको हाम्रो एउटै ध्येय महाबिपत्तिमा परेकाहरुको उद्धार, तत्तपश्चात राहत र पुनर्वासका लागि सबैले आ– आफ्नो क्षेत्रबाट साथ र सहयोगका लागि एकजुट भई लाग्न आग्रह गर्दछौं । साथै बैज्ञानिक मतभन्दा बाहिरका कुनैपनि किसिमका अफवाहमा नपर्न सबैमा आग्रह गर्दछौं ।
यस महाबिपत्तिको परिस्थितीमा एकलेअर्कोलाई सहयोग गर्नु हामी सबैको कर्तब्य हो भन्ने मानवअधिकार तथा शान्ति समाज ठान्दछ । संङ्कटको बेला संयमता गुमाउनु हुदैन भन्ने धारणालाई सबैले आत्मसात गर्ने बिश्वास पनि ब्यक्त गर्दछौं ।