-७६ औ अन्तर्राष्ट्रिय मानव अधिकार दिवसका अवसरमा (१० डिसेम्बर) मानव अधिकार तथा शान्ति समाजको आयोजनामा २०८१ मंसिर २५ गते काठमाण्डौमा “बढ्दो युवा पलायन र सैन्य प्रयोजनमा दुरुपयोगको खतरा” विषयक नागरिक संवाद कार्यक्रम सम्पन्न भएको छ । सो कार्यक्रमको प्रमुख अतिथि नेपाली काँग्रेसका महामन्त्री गगन थापा हुनुहुन्थ्यो । शान्ति समाजका सभापति रामकृष्ण बरालको सभापतित्वमा सम्पन्न कार्यक्रममा प्रमुख अतिथि गगन थापा, कानूनविद काशीराज दाहाल, नेपाल चिकित्सक संघका पूर्व सभापति डा. केदारनरसिंह के.सी, लेखक विश्लेषक श्रीकृष्ण अनिरुद्र गौतम, शान्ति समाजका पूर्व सभापतिहरु  होमकान्त चौलागाई, डा. गंगाधर अधिकारी, पूर्व सभापति एवं सल्लाहकार उत्तम पुडासैनीले मन्तव्य व्यक्त गर्नुभएको थियो । यसैगरी “बढ्दो युवा पलायन र सैन्य प्रयोजनमा दुरुपयोगको खतरा” विषयक शान्ति समाजले तयार गरेको तीन पृष्ठको अवधारणापत्र वरिष्ठ उपसभापति कृष्णबहादुर रावलले र मानव अधिकार सम्बन्धी पृष्ठभूमिपत्र केन्द्रीय सदस्य दिवाकर पुडासैनीले प्रस्तुत गर्नुभएको थियो । कोषाध्यक्ष किरण ढकालले स्वागत मन्तव्य व्यक्त गर्नुभएको कार्यक्रमको सञ्चालन महासचिव रेनुका पौडेलले गर्नुभएको थियो । 

७६ औँ मानव अधिकार दिवसका अवसरमा शान्ति समाजका मुगु, इलाम, गुल्मी, गोरखा, रुपन्देही, दाङ, काठमाण्डौ, नवलपरासी पश्चिम, सुर्खेत, पाल्पा, अछाम, नवलपुर, तेह्रथुम, झापा, महोत्तरी, कपिलवस्तु शाखाले २०८१ मंसिर २५ गते १६ वटा शाखाद्वारा “बढ्दो युवा पलायन र सैन्य प्रयोजनमा दुरुपयोगको खतरा” विषयक नागरिक संवाद कार्यक्रम सम्पन्न भएको छ । राजनीतिक समाज, नागरिक समाज र सञ्चारमाध्यमहरुको सहभागितामा सम्पन्न कार्यक्रममा शान्ति समाजद्वारा तयार गरिएको तीन पृष्ठको अवधारणापत्र प्रस्तुत गरिएको थियो । यससँगै देशव्यापी रुपमा एउटा नयाँ बहसको थालनी पनि भएको छ । 

यसैगरी मानव अधिकार दिवसकै अवसरमा शान्ति समाजका चितवन, सल्यान, बाँके, नुवाकोट, पर्सा, सुनसरी, संखुवासभा, रसुवा र बारा शाखाले दीप प्रज्वलन÷प्रदर्शन कार्यक्रम गरेका छन्, बागलुङ शाखाले फलफुल वितरण गरेको छ । म्याग्दी र कास्की शाखाले अन्य संस्थासँग संयुक्त रुपमा कार्यक्रम आयोजना गरि मानव अधिकार दिवस मनाएका छन् । 

-भ्रष्टाचार विरुद्ध दिवस ९ डिसेम्बर मसिर २४ गते शान्ति समाजका काठमाण्डौ, रुपन्देही, दाङ, सुर्खेत, चितवन, तेह्रथुम, सल्यान र अछाम शाखाद्वारा प्रदर्शन सम्पन्न भएको छ  ।

-स्वयंसेवक दिवस ५ डिसेम्बरमा शान्ति समाजका काठमाण्डौ, रुपन्देही, दाङ, सुर्खेत, चितवन, महोत्तरी, पाल्पा, तेह्रथुम  र मुगु गरि ९ जिल्लामा कार्यक्रम सम्पन्न ।

-अपांगता भएका व्यक्तिहरुको अधिकार सम्बन्धी अन्तर्राष्ट्रिय दिवस डिसेम्बर ३ का दिन  शान्ति समाजका काठमाण्डौ, रुपन्देही, दाङ, पाल्पा, सुर्खेत, नवलपुर, मुगु र कपिलवस्तु गरि ८ वटा शाखाद्वारा विभिन्न कार्यक्रम सम्पन्न । 

१४ जनालाई शान्ति समाजको स्रष्टा सम्मान पुरस्कार

मानव अधिकार तथा शान्ति समाजले स्रष्टा सम्मान अभियान अन्तर्गत २०७७ सालमा स्थापना गरेको पुरस्कार अन्तर्गत वर्ष २०८१ को स्रष्टा सम्मान पुरस्कार १४ जनालाई प्रदान गर्ने निर्णय गरेको छ । कात्र्तिक २८ गते सम्पन्न स्रष्टा सम्मान पुरस्कार छनौट समितिको बैठकले प्राप्त मनोनयनहरुमध्येबाट यो निर्णय गरेको हो । चाडै कार्यक्रम आयोजना गरि रु. २० हजार पुरस्कार राशीसहित पुरस्कृत स्रष्टाहरुलाई सम्मान गरिने छ । 

यस क्रममा प्राणीशास्त्री वैज्ञानिक एवं जेष्ठ नागरिक अधिकार केन्द्रीत विभिन्न पुस्तकका सर्जक प्रा.डा. मुकेशकुमार चालिसेलाई मानबहादुर रावल वातावरण स्रष्टा सम्मान, संस्कृतका प्रकाण्ड विद्वान प्रा.डा. ऋषिराम पोखरेललाई जोगमाया बराल स्रष्टा सौगात, नेपाल भाषाकी अग्रणी एवं अधिकारकर्मी प्रा. डा. चुन्दा बज्राचार्यलाई पवित्रादेवी चौलागाई मानव अधिकार स्रष्टा सम्मान, युद्ध विरोध र शान्तिको पक्षमा कलम चलाउने विवेक ओझालाई कृष्णकुमारी दाहाल शान्ति स्रष्टा सम्मान, लिम्बु भाषाको प्रवद्र्धनमा योगदान गर्ने लिला हाङ्मा सेलिङ्ग माबोलाई चन्द्रकला खनाल अहिंसा स्रष्टा सम्मान, साढे तीन दशक देखि अनवरत साहित्य साधनामा संलग्न बाबा बस्नेतलाई भूमिप्रसाद बराल स्रष्टा सौगात र  बान्तावा भाषाका सुपरिचित हस्ताक्षर पदम राईलाई ज्ञानप्रसाद खनाल सहिष्णुता स्रष्टा सम्मान पुरस्कार प्रदान गर्ने निर्णय गरेको हो । 

यसैगरी शान्ति समाजले प्रसिद्ध पुरातत्वविद एवं सामाजिक न्यायका सर्जक प्रकाश दर्नाललाई राधादेवी दाहाल सद्भाव स्रष्टा सम्मान,  विगत ४ दशकदेखि साहित्य साधनामा संलग्न विवश पोखरेललाई महाप्रसाद रिजाल लोकतन्त्र स्रष्टा सम्मान, लोपोन्मुख एवं अल्पसंख्यक समुदायको पक्षमा कलम चलाउने सत्यदेवी खड्कालाई जनककुमारी रेग्मी स्रष्टा सौगात, नेपालीका अतिरिक्त अंग्रेजी साहित्यमा समेत कलम चलाउने गोपी सापकोटालाई पद्यप्रसाद दाहाल स्रष्टा सौगात, भोजपुरी साहित्यमा योगदान गर्ने स्रष्टा पुजा बहारलाई राधादेवी दाहाल स्रष्टा सौगात, मैथिली साहित्यमा योगदान गर्ने विजेता कर्ण (चौधरी)लाई श्रीप्रसाद दाहाल स्रष्टा सौगात र थारु साहित्यमा योगदान गर्ने भूमिका थारुलाई श्रीनारायण दाहाल स्रष्टा सौगात पुरस्कार प्रदान गर्ने निर्णय गरेको हो । 

पुरस्कृत हुनेहरुमा ७ जना महिला स्रष्टा हुनुहुन्छ भने ७ वटै प्रदेशको प्रतिनिधित्व रहेको छ । पुरस्कृत स्रष्टाहरुले मानव अधिकार, शान्ति, लोकतन्त्र, वातावरण र सामाजिक न्यायको आन्दोलनमा योगदान गर्नुका साथै नेपालीका अतिरिक्त नेवारी, संस्कृत, मैथिली, भोजपुरी, थारु, बान्तावा र लिम्बु गरी ७ भाषामा विशेष योगदान गर्नुभएको छ भने अंग्रेजी भाषामा समेत उहाँहरुका कृति प्रकाशित छन् । 

रुपन्देही शाखाको आयोजनामा भदौ २ गते वुटबलमा बंगलादेशमा भइरहेको अल्पसंख्यकमाथिको आक्रमणको विरोध र सद्भाव प्रवद्र्धन लगायतका विषयमा केन्द्रीत रहि प्रदर्शन ।

सद्भावयुक्त, हिंसामुक्त र लोकतान्त्रिक मार्गमा योगदान गर्न आग्रह गर्दै प्रदर्शन

बंगलादेशमा अल्पसंख्यक समुदायमाथि भइरहेको आक्रमण र अत्याचार तत्काल बन्द गर्न लगायतका विषयमा ध्यानाकर्षण गराउँदै  नेपालस्थित बंगलादेशी राजदुतावास अगाडि प्रदर्शन भएको छ । २०८१ साउन २८ गते दिउँसो मानव अधिकार तथा शान्ति समाजद्वारा काठमाण्डौ बसुन्धारास्थित बंगलादेशी राजदुतावास अगाडि आधा घण्टा प्रदर्शन गरेको हो ।

प्रदर्शनमा मानव अधिकार उल्लंघनका घटनामा निष्पक्ष छानविन गरि दोषीलाई कारबाही गर, शान्ति र सद्भाव कायम गर, अल्पसंख्यक समुदायमाथि आक्रमण र अत्याचार बन्द गर, सद्भाव बिथोल्नेलाई दण्डित गर, स्वतन्त्र निष्पक्ष निर्वाचनमार्फत लोकतन्त्रको रक्षा गर, बंगलादेश स्वतन्त्रता बिरोधी कट्टरपन्थीहरुको कृडास्थल नबनोस, बंगलादेशः उदार लोकतान्त्रिक धारा अवलम्वन गर, अल्पसंख्यकको सुरक्षा गर लेखिएका प्लेकार्ड प्रदर्शन गरिएको थियो ।

प्रदर्शन पश्चात शान्ति समाजका तर्फबाट बंगलादेशको अन्तरिम सरकारका प्रमुख सल्लाहकार मोहम्मद यूनुसलाई लेखिएको ज्ञापनपत्र नेपालस्थित बंगलादेशी राजदुत सलाहुद्धिन चौधरीलाई हस्तान्तरण गरिएको थियो । पत्रमा–हालै बंगलादेशमा भएको आन्दोलनको परिणाम स्वरुप गठित अन्तरिम सरकारले घृणा र प्रतिशोधको दुष्चक्रबाट बंगलादेशलाई मुक्त राख्दै सद्भावयुक्त, हिंसामुक्त र लोकतान्त्रिक मार्गमा योगदान गर्न र आन्दोलनका दौरान भएका मानव अधिकार उल्लंघनका जघन्य घटनाको निष्पक्ष छानविन गरि दोषीहरुलाई कारबाही सुनिश्चित गर्न आग्रह गरिएको छ । अहिले पनि बंगलादेशमा हिंसा र अराजकता नरोकिएको घटनाप्रति चिन्ता व्यक्त गर्दै सद्भाव बिथोल्ने र अल्पसंख्यकहरु माथिको आक्रमणका घटनाको निन्दा गरिएको छ । अल्पसंख्यकहरुमाथि भइरहेको आक्रमण र अत्याचार शिघ्र रोक्न, अल्पसंख्यक लगायत सबै बंगलादेशी नागरिकहरुको सुरक्षाको प्रत्याभूति गर्न र शान्ति एवं सद्भाव कायम गर्ने दिशामा ठोस कदम चाल्न शान्ति समाजका तर्फबाट अन्तरिम सरकारलाई आग्रह गरिएको छ ।

स्रष्टाहरुद्वारा शान्ति र सद्भाव प्रवद्र्धनका लागि आह्वान 

युद्धको समाप्ति, शान्ति र सद्भाव प्रवद्र्धनमा जोड दिँदै ९५ औँ शान्ति काव्य प्रवाह सम्पन्न भएको छ । मानव अधिकार तथा शान्ति समाजको आयोजनामा २०८१ साउन ३१ गते समाजको केन्द्रीय कार्यालय वाग्मतीनगरमा सम्पन्न शान्ति काव्य प्रवाहमा स्रष्टाहरुले आफ्नो रचना मार्फत विश्वमा बढ्दै गइरहेको युद्ध र हिंसाको अन्त्यका लागि आह्वान गरेका थिए । यसैगरी स्रष्टाहरुले नेपालमा विद्यमान विकृति र बेथितिको विरोध गर्दै नागरिक निरासाको चित्रण गरेका थिए । 

काव्य प्रवाहमा वरिष्ठ स्रष्टा  स्व. परशु प्रधानप्रति श्रद्धाञ्जलीसहित एक मिनेट मौन धारण गरिएको थियो । स्रष्टा प्रधानको २०८० चैत ५ गते राति निधन भएको थियो । 

कार्यक्रममा स्रष्टा रामबाबु दाहालद्वारा लिखित बबिना भट्राईको संगित तथा गायन रहेको “सपनीमा” शिर्षकको गीतको लोकापर्ण गरिएको थियो । 

समाजका सभापति रामकृष्ण बरालको सभापतित्व र महासचिव रेनुका पौडेलको सञ्चालनमा सम्पन्न काव्य प्रवाहमा रामबहादुर पहाडी, गोविन्दप्रसाद घिमिरे वेदमणी, रत्ननीधि रेग्मी शुक्राचार्य, भाग्यशाली अधिकारी, मेनका पोख्रेल आचार्य, ऋचा, डा.बमबहादुर थापा, शान्ति रिसाल, राजेन्द्र प्रसाद ढुंगाना, सारदा पराजुली, लोचन रिजाल, मधु पोख्रेल, भुवन सिवाकोटी, रुद्र अधिकारी, जनार्दन अधिकारी, गगनदिप सर्व, रविन्द्र आसिश शैली, निर्मल पराजुली, टेकबहादुर लौडारी, अच्युतप्रसाद पौडेल, सरला तिमल्सिना, विष्णु थापा सहित २२ जना स्रष्टाहरुले रचना प्रस्तुत गर्नुभएको थियो ।