1.काठमाडौँ शाखाको २९ औँ साधारण सभा
समाजका संस्थापक सभापति कृष्ण पहाडीले समाज रूपान्तरणका लागि चालक शक्ति सदैव अहिंसा हुनुपर्नेमा पुनः जोड दिनुभएको छ । साउन १६ गते बिहान शान्ति समाज काठमाडौँ शाखाको २९ औँ साधारण सभाको उद्घाटन सत्रमा बोल्दै पहाडीले विविधतालाई समस्याका रूपमा होइन, उत्सवका रूपमा ग्रहण गर्न सबैलाई आह्वान गर्नुभयो ।
शान्ति समाज काठमाडौँ शाखा सभापति विकास थापाको सभापतित्वमा सम्पन्न उद्घाटन सत्रमा नेपाली काँग्रेसका महामन्त्री गुरु घिमिरे, नेकपा एमालेका पूर्व सांसद डा.बिन्दा पाण्डे, नेकपाका राष्ट्रिय सभा सांसद मदन कुमारी शाह, वाग्मती प्रदेश सभा सदस्य छिरिङ दोर्जे लामा, गोकर्णेश्वर नगरपालिकाका मेयर दिपक रिसाल, उपमेयर सान्नानी लामा, शान्ति समाजका सभापति रेनुका पौडेल, पूर्व सभापतिहरू रामकृष्ण बराल, होमकान्त चौलागाई, गोविन्द खनाल, संस्थापक सदस्य कृष्ण कँडेल, सल्लाहकार रामप्रसाद जोशी, वाग्मती प्रदेश सचिव दिवाकर पुडासैनी लगायत अधिकारकर्मीहरूले मन्तव्य व्यक्त गर्नु भएको थियो । कार्यक्रममा “विधिको शासनः आधारभूत स्वतन्त्रता सहितको सुशासन” विषयमा शान्ति समाजले तयार गरेको अवधारणा पत्र काठमाडौँ शाखा उपसभापति सार्जन चापागाईँले प्रस्तुत गर्नु भएको थियो भने कार्यक्रम सन्चालन शाखा सचिव रबिना पौडेल ले गर्नु भएको थियो ।
2. बिधिको शासन: आधारभुत स्वतन्त्रता सहितको सुशासन” भन्ने आहवान सहित शान्ति समाज पाल्पा शाखाको २७औ साधारणसभाको उदघाटन सत्र । २०८३साउन २३गते तानसेन पाल्पा । सबै प्रमुख दलका प्रतिनिधिहरु र नागरिक समाज र शान्ति समाजका सदस्यहरु गरी ७७ जनाको सहभागिता । सरकारको ४ महिनाको कार्य सम्पादनको समीक्षा (नागरिक अडिट) सहितको ४ पृष्ठ्को अवधारणा पत्र प्रस्तुत र सदभाव प्रवर्द्धनका लागि प्रारुप पत्र प्रस्तुत । प्रमुख वक्ता कृष्ण पहाडी
3. शान्ति समाज सुर्खेत शाखाको २६ औ साधारणसभाको भव्य उदघाटन सत्र । साउन २४ गते बिरेन्द्रनगर सुर्खेत । सबै प्रमुख दलका प्रतिनिधिहरु, नागरिक समाज र शान्ति समाजका सदस्यहरु, सुरक्षा निकायका अधिकारीहरु गरी १५७ जनाको सहभागिता । सरकारको ४ महिनाको कार्य सम्पादनको समीक्षा (नागरिक अडिट) सहितको ४ पृष्ठ्को अवधारणा पत्र प्रस्तुत र सदभाव प्रवर्द्धनका लागि प्रारुप पत्र प्रस्तुत । प्रमुख वक्ता कृष्ण पहाडी
