मानव अधिकार तथा शान्ति समाजको आयोजनामा २०७३ चैत १७ गते सद्भाव प्रवद्र्धन, हिंसा र घृणाको खारेजी र दण्डहीनताको अन्त्य विषयक गोष्ठी काठमाण्डौँमा सम्पन्न भएको  छ । समाजका संस्थापक सदस्य कृष्ण कंडेलको सभापतित्वमा सम्पन्न गोष्ठीमा समाजका संस्थापक सभापति कृष्ण पहाडी, राष्ट्रिय मानव अधिकार आयोगका सदस्य सुदिप पाठक, आयोगका पुर्व सदस्य गौरी प्रधान इन्सेकका अध्यक्ष सुवोध प्याकुरेल नेपाल प्राध्यापक संघका सभापति रामेश्वर उपाध्याय, नन्दकृष्ण जोशी, अधिवक्ता दिनेश त्रिपाठी, शोभाकर बुढाथोकी, आनन्दराम पौडेल, वरिष्ठ पत्रकार कृष्ण मुरारी भण्डारी र उत्तम पुडासैनीले मन्तव्य व्यक्त गर्नुभएको थियो ।

घृणात्मक अभिव्यक्तिलाई अभिव्यक्ति स्वतन्त्रताको जामा पहिरयाई हिंसा भड्काउने र विखण्डनलाई बढावा दिने कृत्यमा कतिपय तप्का संलग्न रहेकोप्रति आपत्ति व्यक्त गर्दै त्यस्तो प्रवृत्ति विरुद्ध सामुहिक रुपमा अघि बढ्ने प्रतिवद्धता नागरिक अगुवा तथा अधिकारकर्मीहरुले व्यक्त गरेका थिए । घृणाको खेतीबाटै हिंसाको मलजल गर्ने र गृहयुद्ध चर्काउन चाहने तप्काले नागरिक समाजको घटक र अधिकारकर्मीहरुलाई नै प्रयोग गरी अघि बढ्न खोजेको रणनीतिप्रति सजग हुदैँ विगतका ऐतिहासिक आन्दोलनमा योगदान गर्ने नागरिक समाज सदैव सद्भाव र स्वाभिमानकै आवाज लिएर देशका कुना कन्दरामा पुग्ने प्रतिवद्धता पनि व्यक्त गरिएको थियो ।

निषेधको राजनीति संस्थागत हुदैँ गइरहेकोप्रति आपत्ति व्यक्त गर्दै नागरिक अगुवा एवं अधिकारकर्मीहरुले राजनीतिक दल तथा मोर्चाहरुलाई सुध्रन आग्रहसहित घृणाको होइन सद्भावको राजनीति गर्न आग्रह पनि गरेका थिए । कार्यक्रममा  स्वागत मन्तव्य समाजको काठमाण्डौँ शाखाका सभापति रामकृष्ण बरालले र सञ्चालन सचिव पुष्पा केसीले गर्नुभएको थियो ।

मानव अधिकार, शान्ति, लोकतन्त्र र अहिंसाका लागि कार्यरत स्वयंसेवी संस्था मानव अधिकार तथा शान्ति समाजद्धारा जातीय विभेद उन्मुलनका लागि अन्तराष्ट्रिय दिवस (२१ मार्च) का सन्दर्भमा “आवधिक निर्वाचन, समावेशी संरचना र सामाजिक न्याय” विषयक विचार गोष्ठी चैत ८ गते काठमाण्डौँमा सम्पन्न भएको छ । समाजका सभापति गंगाधर अधिकारीको सभापतित्वमा सम्पन्न गोष्ठीमा समाजका संस्थापक सभापति कृष्ण पहाडी, सांसद तथा नेपाली कांग्रेसका केन्द्रीय सदस्य जीवन परियार, सांसद तथा पुर्व राज्यमन्त्री जित बहादुर (दर्जी) गौतम, पुर्व सांसद माओवादी केन्द्रका विश्वभक्त दुलाल आहुती, समाजका सल्लाहकार होमकान्त चौलागाई, समाजका संस्थापक सदस्य कृष्ण कडँेल, विभागीय संयोजक रत्नलक्ष्मी श्रेष्ठले आफ्नो मन्तव्य व्यक्त गर्नुभएको थियो ।

वक्ताहरुले नेपालमा विभिन्न काल खण्डमा ऐतिहासिक आन्दोलनहरु भएको उल्लेख गर्दै  राजनीतिक सत्ता परिवर्तन भएतापनि व्यवहारमा जातीय विभेद उन्मुलन हुन नसक्नुमा राजनीतिक नेतृत्वमा दृढ इच्छा शक्तिको अभाव नै कारण भएको औल्याएका थिए । सभासद र राजदुत नियुक्तिमा पैसाको चलखेल हुनु तर दलित र पिछडीएका समुदायलाई वेवास्ता गर्नु दुखद् भएको भन्दै वक्ताहरुले राज्य संयन्त्रलाई समावेशी बनाउन र दलित र पिछडीएकाहरुको उत्थानमा जोड दिन आग्रह गरेका थिए । विचार गोष्ठीमा उपसभापति रेनुका पौडेलले स्वागत मन्तव्य व्यक्त गर्नुभएको थियो भने कवि रत्ननीधि रेग्मीले जातीय विभेद विरुद्ध कविता प्रस्तुत गर्नुभएको थियो । कार्यक्रम सञ्चालन समाजका सचिव पुष्पा केसीले गर्नुभएको थियो ।

मानव अधिकार तथा शान्ति समाज मोरङ शाखाको आयोजनामा २०७३ फागुन १४ गते लागु औषध÷मदिरा रोकथाममा सरकार, राजनीतिक समाज र नागरिक समाजको भूमिका विषयक अन्तरक्रिया कार्यक्रम विराटनगरमा सम्पन्न भएको छ । कार्यक्रममा बोल्दै समाजका संस्थापक सभापति कृष्ण पहाडीले २८ वर्ष अगाडी आफुसहित विराटनगरको युवा जमातले मदिराविरुद्ध आन्दोलन प्रक्षेपण गरेको र त्यस क्रममा दुधले त्राण दिन्छ रक्सीले प्राण लिन्छ भन्ने नारासहित विराटनगरका विभिन्न स्थानमा धर्ना प्रदर्शन गरेको स्मरण गर्दै लागु औषध÷मदिरा दुव्र्यसन विरुद्धको अभियानलाई समाजको हरेक क्षेत्रले साझा अभियानको रुपमा अघि बढाउनुपर्नेमा जोड दिनुभयो ।

शान्ति समाज मोरङ शाखाका सभापति अधिवक्ता डिल्लीबहादुर कार्कीको सभापतित्वमा सम्पन्न कार्यक्रममा सर्वोच्च अदालतका पुर्व न्याधीस मोहनप्रकाश सिटौला, मोरङका प्रहरी उपरिक्षक सन्दिप भण्डारी, जिल्ला न्याधिवक्ता राजेश कटवाल, वरिष्ठ अधिवक्ता चन्द्रमणी न्यौपाने, शान्ति समाजका केन्द्रीय सदस्य विष्णुप्रसाद चापागाईँ, पुर्वाअञ्चल मानव अधिकार सञ्जालका संयोजक शोमराज थापा, विराटनगर उपमहानगरपालिकाका महिला तथा बालबालिका शाखाका डिल्ली धिमाल, गैर सरकारी संस्था महासंघका केन्द्रीय सदस्य उमेश विश्वकर्मा, मोरङ जिल्ला बार एशोसिएसनका सचिव हरिशंकर मण्डल, हिसान मोरङका अध्यक्ष बलराम पन्त, डि एल ए मोरङका अध्यक्ष अधिवक्ता रुपेश कोइराला, मानव अधिकार रक्षकहरु सन्जु साह र कला त्रितालले लागु औषध÷मदिरा दुव्र्यसन रोकथामका लागि सञ्चालित यो अभियानमा सबैको साथ र सहयोग रहने धारणासहित मन्तव्य व्यक्त गर्नुभएको थियो । कार्यक्रममा शान्ति समाजका तर्फबाट तयार गरिएको कार्यपत्र अधिकारकर्मी निर्मला सुवेदीले प्रस्तुत गर्नुभएको थियो भने स्वागत सुदिप रिजालले र कार्यक्रम सञ्चालन अधिकारकर्मी डिकप्रसाद घिमिरेले गर्नुभएको थियो ।

यसैगरी फागुन १४ गते शनिवार नै समाजका संस्थापक सभापति कृष्ण पहाडीले शान्ति समाज मोरङद्धारा विराटनगरमा आयोजित युवा र मानवअधिकार विषयक कार्यक्रममा मानव अधिकार, शान्ति, लोकतन्त्र र अहिंसाका विषयमा प्रकाश पार्दै घृणात्मक अभिव्यक्ति अपराध भएको र त्यस्तो अपराधको पृष्ठपोषण गर्ने र त्यस्तो प्रवृत्तिलाई बोक्ने व्यक्ति हुन वा संघ संस्था तिनिहरुसँग कुनै सहकार्य नहुने प्रष्ट पार्नुभयो । विराटनगरका विभिन्न उच्च मा.वि मा अध्यनरत युवा विद्यार्थीहरुको सहभागिता रहेको कार्यक्रममा युवाहरुले मानव अधिकारका विभिन्न विषयमा जिज्ञासा राखेका थिए ।

मानव अधिकार तथा शान्ति समाजको प्रतिनिधिमण्डलले २०७३ माघ २६ गते सम्माननीय प्रधानमन्त्री पुष्पकमल दाहाल प्रचण्डसँग भेटी लागु औषध÷मदिरा दुव्र्यसन रोकथामका लागि राष्ट्रिय अभियान घोषणा गर्न आग्रहसहित विभिन्न विषयमा छलफल गरेको छ ।

छलफलका दौरान मानव अधिकार तथा शान्ति समाजले सञ्चालन गरिरहेको लागु औषध÷मदिरा दुव्र्यसन रोकथाम अभियान अन्तर्गत शान्ति समाजले अघि सारेका सुझावहरु कार्यान्वयन गर्न प्रधानमन्त्री कार्यालय र विभिन्न मन्त्रालयहरुको ध्यानाकर्षण गराउदैँ लागु औषध÷ मदिरा दुव्र्यसनले महामारीको रुप लिनु अगाडि नै ठोस कदम चाल्न र समस्याको  गम्भीरतालाई मनन गरी लागु औषध÷मदिरा दुव्र्यसन रोकथामका लागि राष्ट्रिय कार्ययोजना सार्वजनिक गर्न प्रधानमन्त्री दाहाललाई आग्रह गरिएको थियो ।

उक्त छलफलमा प्रधानमन्त्री पुष्पकमल दाहाल प्रचण्डले शान्ति समाजले थालेको दुव्र्यसन विरुद्धको अभियान महत्वपुर्ण भएको धारणा व्यक्त गर्दै शान्ति समाजले दिएका सुझावहरु सरकारले कार्यान्वयन गर्ने बताउनुभयो ।

प्रतिनिधिमण्डलमा समाजका संस्थापक सभापति कृष्ण पहाडी, सभापति गंगाधर अधिकारी, संस्थापक सदस्य कृष्ण कडेंल, उपसभापति रेनुका पौडेल, महासचिव उत्तम पुडासैनी संलग्न हुनुहुन्थ्यो ।

२०७३ कात्र्तिक ७ गतेबाट शान्ति समाजको प्रतिनिधिमण्डलले प्रधानमन्त्री, मन्त्रीहरुसहित प्रमुख राजनीतिक दलका शिर्ष नेताहरुलाई भेटी मानव अधिकार, शान्ति, लोकतन्त्र, अहिंसा र समसामयिक विषयमा ध्यानाकर्षण गराउँदै छलफलको श्रृखला प्रारम्भ गरेको थियो ।  यसै क्रममा २०७३ माघ तेस्रो साता सम्ममा शान्ति समाजले प्रधानमन्त्री पुष्पकमल दाहालसहित वर्तमान मन्त्रीमण्डललका २८ जना सदस्यहरुसँग २९ पटक छुट्टाछुट्टै भेटी छलफल गरिसकेको छ । २९ सदस्यीय मन्त्री मण्डलमा वाणिज्य मन्त्री रोमी गौचन थकाली बाहेक सबै मन्त्रीहरुसँग छलफल सम्पन्न भएको थियो । परराष्ट्रमन्त्री डा.प्रकाशशरण महतसँग २ पटक परराष्ट्र मन्त्रालयमा छलफल भएको थियो । छलफलकै क्रममा सभामुख ओनसरी घर्ती, प्रमुख निर्वाचन आयुक्त अयोधीप्रसाद यादव, नेपाली कांग्रेसका सभापति शेर बहादुर देउवा, नेकपा एमालेका अध्यक्ष केपी शर्मा ओली, मधेस केन्द्रीत दलका तीन जना प्रमुखहरु उपेन्द्र यादव, महन्थ ठाकुर, राजेन्द्र महतोसहित प्रमुख राजनीतिक दलका १० जना शिर्ष नेताहरुसँग पनि यस अवधिमा शान्ति समाजको प्रतिनिधिमण्डले छलफल गरेको थियो । यसै सिलसिलामा उपराष्ट्रपति नन्दबहादुर पुनसँग भेटी शान्ति समाजको प्रतिनिधिमण्डलले आफ्ना अभियानहरुबारे अवगत गराएको थियो ।

वितेको १०३ दिनमा भएका यो ४२ वटा छलफलहरु बारे शान्ति समाजले नियमित रुपमा प्रेस विज्ञप्ति, फेसबुक र ट्वीटरमार्फत जानकारी गराउँदै आएको छ । उपरोक्त छलफलका क्रममा उपराष्ट्रपति, प्रधानमन्त्री, सभामुख, सिङ्गो मन्त्रीपरिषद् (एक जना अपवाद छाडेर) र प्रमुख राजनीतिक दलका शिर्ष नेताहरुबाट शान्ति समाजप्रति दर्शाएको आत्मीयता र हार्दिकताका लागि शान्ति समाज आभार व्यक्त गर्दछ । छलफलका क्रममा शान्ति समाजका तर्फबाट अघि सारिएको सुशासनको प्रत्याभुती, लागु औषध विरुद्धको अभियान लगायतका कार्यक्रमहरुबारे भविष्यमा पनि छलफल निरन्तर रहने छ ।

मानव अधिकार तथा शान्ति समाजको प्रतिनिधिमण्डलले २०७३ माघ २० गते सिंचाइमन्त्री दिपक गिरीसँग सिंचाइ मन्त्रालय सिंहदरबारमा भेटी मानव अधिकार, शान्ति, लोकतन्त्र, अहिंसा र राष्ट्रिय स्वाभिमानका विषयमा ध्यानाकर्षण गराउदैँ छलफल गरेको छ । छलफलमा मेचीदेखी महाकालीसम्मका नदीहरुबाट बग्ने पानीलाई सिँचाइ प्रयोजनमा प्रयोग गर्नका लागि कम्तिमा एक नदी एक सिँचाइ आयोजना कार्यान्वयन गर्न, जल सदुपयोगका लागि राष्ट्रिय नीति अवलम्बन गर्न र आवश्यकता अनुसार नदी जोड्ने आयोजना (रिभर लिंक प्रोजेक्ट) कार्यान्वयन गर्न आग्रह गरिएको थियो । साथै राष्ट्र र राष्ट्रियताको मामिलामा गम्भिर बन्न सरकारलाई आग्रह समेत गरिएको थियो ।

प्रतिनिधिमण्डलमा समाजका सभापति गंगाधर अधिकारी, महासचिव उत्तम पुडासैनी, सचिव बलबहादुर गाहा मगर, विभागीय संयोजक जयराम पुडासैनी लगायत ५ जना अधिकारकर्मीहरु संलग्न हुनुहुन्थ्यो ।

मानव अधिकार तथा शान्ति समाजको प्रतिनिधिमण्डलले २०७३ माघ १८ गते  खानेपानी तथा सरसफाई मन्त्री प्रेम बहादुर सिंह र महिला बालबालिका तथा समाज कल्याण मन्त्री कुमार खडकासँग भेटी मानव अधिकार, शान्ति, लोकतन्त्र, अहिंसा र राष्ट्रिय स्वाभिमानका विषयमा ध्यानाकर्षण गराएको छ । सिंहदरवारस्थित उपरोक्त मन्त्रालयहरुमा भएको छुट्टाछुट्टै छलफलमा शान्ति समाजका तर्फबाट अभिव्यक्ति स्वतन्त्रता आधारभुत मानव अधिकार भएको तर घृणात्मक अभिव्यक्ति अपराध भएको मान्यता स्मरण गराउदैँ राष्ट्र र राष्ट्रियताको मामिलामा गम्भिर बन्न सरकारलाई आग्रह गरिएको थियो ।

छलफलमा सरसफाई सम्बन्धी विशेष राष्ट्रिय नीति अवलम्बन गर्न र प्रत्येक साताको एक दिन (सके दिनै पिच्छे) कार्यस्थलहरुमा व्यापक सरसफाइ अनिवार्य गर्न सरसफाई मन्त्रीलाई आग्रह गरिएको थियो । यसै गरी महिला बालबालिका तथा समाज कल्याण मन्त्रीसँगको छलफलमा घरेलु हिंसा र बाल दुव्र्यवहार र बाल यौन शोषणका घटना पछाडि एक प्रमुख कारण लागु औषध÷मदिरा दुव्र्यसन रहि आएको हुदाँ दुव्र्यसन रोकथामका लागि विशेष नीति, अभियान र योजना अवलम्बन गर्न आग्रह गरिएको थियो ।

उक्त छलफलमा लागु औषध÷मदिरा दुव्र्यसन रोकथामका लागि शान्ति समाजले थालेको अभियान अन्तर्गत उपरोक्त मन्त्रालयहरुलाई सुझावहरु पनि हस्तान्तरण गरिएको थियो ।

प्रतिनिधिमण्डलमा समाजका सभापति गंगाधर अधिकारी, महासचिव उत्तम पुडासैनी, सचिव बलबहादुर गाहा मगर, कोषाध्यक्ष बटुकृष्ण ढुङ्गेल, केन्द्रीय सदस्यहरु रुपा पुडासैनी र गिता तिमल्सीना, विभागीय संयोजक जयराम पुडासैनी र बाबुराम न्यौपाने र सदस्य संजोग चाम्लिङ राई लगायत १० जना अधिकारकर्मीहरु संलग्न हुनुहुन्थ्यो ।

मानव अधिकार तथा शान्ति समाजको प्रतिनिधिमण्डलले २०७३ माघ १४ गते परराष्ट्र मन्त्री डा.प्रकाशशरण महतसँग भेटी “दक्षिण एशियाली नागरिक सदभाव यात्रा” लगायतका विषयमा छलफल गरेको छ ।

मानव अधिकार तथा शान्ति समाजले प्रारम्भ गरेको “युद्ध निषेध ः शान्ति विशेष” अभियानको उद्देश्य युद्ध, हिंसा एवं आतंकवादको खारेजी र शान्ति सद्भाव तथा समझदारीको प्रवद्र्धन गर्नु रहेको छ ।

दक्षिण एशियामा भारत र पाकिस्तानबीच विद्यमान तनाव र बढ्दो दुरीलाई घटाउन, युद्धका कुनै पनि संभावनालाई निस्तेज पार्न र दक्षिण एशियाली राष्ट्र एवं जनतामाझ शान्ति सद्भाव र समझदारीको प्रवद्र्धन गर्न नागरिक स्तरबाटै व्यापक पहल आवश्यक छ भन्ने ठानेर शान्ति समाजले यो अभियान प्रारम्भ गरेको हो । यो अभियानको क्रममा शान्ति समाजले दक्षिण एशियाली राष्ट्रहरुलाई भावनात्मक रुपमा जोड्ने उद्देश्यले “दक्षिण एशियाली नागरिक सद्भाव यात्रा”को प्रारुप अघि बढाएको छ ।

परराष्ट्रमन्त्री डा. महतसँगको छलफलमा दक्षिण एशियाली राष्ट्रहरु “युद्ध निषेध ः शान्ति विशेष” नीतिमा केन्द्रीत हुनुपर्ने र नेपालले अन्तराष्ट्रिय÷क्षेत्रीय मञ्चहरुमा यस विषयमा नेतृत्वदायी भूमिका निर्वाह गर्न आग्रह गरिएको थियो । छलफलमा विगतका तिक्ततालाई हटाउन र शान्तिका लागि थप पहल गर्न समेत सार्कको १९ औँ शिखर सम्मेलन आयोजनाका लागि वातावरण बनाउन नेपालले विशेष पहल गर्नुपर्नेमा जोड दिइएको थियो ।

छलफलमा परराष्ट्रमन्त्री डा. प्रकाशशरण महतले युद्ध निषेध ः शान्ति विशेष” अभियान र दक्षिण एशियाली नागरिक सदभाव यात्राप्रति आँफु र नेपाल सरकारको समर्थन र ऐक्यवद्धता रहेको बताउँदै शान्ति र सदभावका लागि नागरिक स्तरमा थालिएको प्रयास प्रसंसनीय रहेको धारणा व्यक्त गर्नुभयो । उक्त छलफलमा लागु औषध÷मदिरा दुव्र्यसन रोकथामका लागि शान्ति समाजले थालेको अभियान अन्तर्गत परराष्ट्र मन्त्रालयलाई दिइएका तीन वटा सुझावहरु पनि हस्तान्तरण गरिएको थियो ।

प्रतिनिधिमण्डलमा समाजका संस्थापक सभापति कृष्ण पहाडी, सभापति गंगाधर अधिकारी, महासचिव उत्तम पुडासैनी, सचिवहरु पुष्पा केसी र बलबहादुर गाहा मगर, कोषाध्यक्ष बटुकृष्ण ढुङ्गेल, जयराम पुडासैनी लगायत ८ जना अधिकारकर्मीहरु संलग्न हुनुहुन्थ्यो ।

नेपाल प्रहरी र मानव अधिकार तथा शान्ति समाजको संयुक्त आयोजनामा २०७३ माघ १० गते काठमाण्डौँमा लागु औषध÷मदिरा दुव्र्यसन रोकथामका लागि प्रहरी र नागरिक समाजको भूमिका विषयक एक दिवसीय अन्तरक्रिया कार्यक्रम सम्पन्न भएको छ ।

कार्यक्रमको प्रारम्भिक सत्रमा बोल्दै शान्ति समाजका संस्थापक सभापति कृष्ण पहाडीले नागरिक प्रहरी सम्बन्धबारे उल्लेख गर्दै नागरिकहरुको जीवन रक्षा र सुरक्षा प्रहरीको पहिलो प्राथमिकता भएको र एक आपसमा विश्वास र भरोसा नै नागरिक  प्रहरी सम्बन्धको मेरुदण्ड भएको बताउनुभयो । बालबालिका बचाउ अभियान र महिला हिंसा अन्त्य अभियानमा मानव अधिकार संस्थाहरु वर्षौदेखि लागि परेको उल्लेख गर्दै पहाडीले त्यसका लागि दुव्र्यसन रोकथाम अत्यावश्यक भएको हुदाँ सरकार, राजनीतिक समाज, नागरिक समाजबीच सहकार्यमा जोड दिदैँ दुव्र्यसन रोकथाम अभियानलाई नागरिक स्तरबाट अझ ससक्त बनाइने धारणा व्यक्त गर्नुभयो । पहाडीले विपतका बेला उद्दार र राहत कार्यमा नेपाल प्रहरीले गरेको कार्य प्रशंसनीय रहेको चर्चा गर्दै मानव अधिकार संरक्षणको क्षेत्रमा पनि सोही अनुरुपको अपेक्षा गरिएको बताउनुभयो ।

प्रारम्भिक सत्रमा बोल्दै नेपाल प्रहरीका अतिरिक्त महानिरिक्षक विज्ञानराज शर्माले लागूऔषध÷मदिरा दुव्र्यसन रोकथामका लागि नागरीक समाज र प्रहरी संयुक्त रुपमा अघि बढ्नु उत्कृष्ट रहेको बताउनुभयो । शर्माले मानव अधिकार संरक्षणका लागि नेपाल प्रहरी प्रतिवद्ध रहेको उल्लेख गर्दै लागूऔषध÷मदिरा दुव्र्यसन रोकथामका लागि सामुहिक पहलमा जोड दिनुभयो ।

कार्यक्रममा स्वागत प्रहरी नायव महानिरिक्षक विजयलाल कायस्थले र सञ्चालन शान्ति समाजका महासचिव उत्तम पुडासैनीले गर्नु भएको थियो । कार्यक्रममा लागु औषध÷मदिरा दुव्र्यसन रोकथाममा नागरिक समाजको भूमिका विषयमा समाजका संस्थापक सभापति कृष्ण पहाडीले, लागु औषध÷मदिरा दुव्र्यसन सम्बन्धी महासन्धि र नेपालमा कानुनी व्यवस्था विषयमा अधिवक्ता होमकान्त चौलागाईले, लागु औषध÷मदिरा दुव्र्यसन रोकथाममा आम सञ्चारको भूमिका विषयमा पत्रकार कृष्ण कडेंलले र लागु औषध÷मदिरा दुव्र्यसन रोकथाममा प्रहरीको भूमिका विषयमा केन्द्रीय लागु औषध व्युरोका प्रहरी निरिक्षक अनिल ठकुरीले कार्यपत्र प्रस्तुत गर्नु भएको थियो भने स्वास्थ्य मन्त्रालयका तर्फबाट शम्भु काफ्लेले दुव्र्यसन रोकथामका विषयमा केन्द्रीत रहि अवधारणा प्रस्तुत गर्नुभएको थियो ।

प्रहरी प्रधान कार्यालय नक्सालस्थित सभाकक्षमा सम्पन्न अन्तरक्रिया कार्यक्रममा विभिन्न मन्त्रालयका प्रतिनिधिहरु, नेपाल प्राध्यापक संघका सभापतिसहित नागरिक अगुवाहरु, नेपाल प्रहरीका अधिकृतहरु, पत्रकारहरु, मानव अधिकारकर्मीहरु, अभिभावक संघका प्रतिनिधिहरु, हिसान, एन प्याब्सन लगायत शैक्षिक प्रतिष्ठानका प्रतिनिधिहरु विभिन्न विद्यालयका प्राचार्य तथा पुर्नस्थापना केन्द्रका प्रतिनिधिहरुसहित ६३ जनाको सहभागिता रहेको थियो । कार्यक्रममा बोल्दै समाजका सभापति गंगाधर अधिकारीले दुव्र्यसन रोकथामका लागि चाडै नै ३० भन्दा बढी जिल्लामा अन्तरक्रिया कार्यक्रम सञ्चालन गरिने बताउनुभयो । कार्यक्रममा लागु औषध÷मदिरा दुव्र्यसन रोकथामका लागि विभिन्न निकाय÷संस्थाबाट चाल्नुपर्ने कदमहरुबारे छलफल गरिएको थियो ।