मानव अधिकार तथा शान्ति समाजको नियमित मासिक कार्यक्रम शान्ति काव्य प्रवाहको पैतीसांै श्रृंखला २०७१ चैत्र २६ गते विहिवार काठमाडांैमा सम्पन्न भएको छ । समाजका कोषाध्यक्ष रेणुका पौडेलको सभापतित्वमा सम्पन्न काव्य प्रवाहको संचालन कार्यक्रम संयोजक पुष्पा केसीले गर्नुभएको थियो ।
काव्य प्रवाहमा ज्ञानुवाकर पौडेल, रत्ननीधि रेग्मी, पूर्ण विराम, इन्दु अंशु, सुेदेश सन्त्याल, साधना प्रतिक्षा, ऋचा, स्मिता, भाग्यशाली अधिकारी, गोविन्दप्रसाद घिमिरे वेदमणी, नवराज श्रेष्ठ, मदन कार्की, बाबुराम लामिछाने, मनोज न्यौपाने, रामेश्वर राउत, विजयध्वज थापा, राजेन्द्रप्रसाद ढुङ्गाना, विवेक विशालु, कमलराज केसी लगायत ४५ जना कविहरुले कविता वाचन गर्नुभएको थियो ।
साथै समाजका तर्फबाट प्रत्येक महिना कविहरुलाई उपहारस्वरुप पुस्तक प्रदान गर्ने क्रममा यस पटक स्वतन्त्रता मन्तव्या यात्रा र एक डटपेनका अतिरिक्त नयाँ वर्षको पूर्वसन्ध्यामा डायरी पनि प्रदान गरिएको थियो ।

जातीय विभेद उन्मूलनका लागि अन्तर्राष्ट्रिय दिवस(२१ मार्च)को पूर्वसन्ध्यामा मानव अधिकार तथा शान्ति समाजले २०७१ चैत्र ६ गते काठमाडांैमा शान्ति र समुन्नतिका लागि सामाजिक समानता विषयक गोष्ठी सम्पन्न गरेको छ । समाजका सभापति गङ्गाधर अधिकारीको सभापतित्वमा सम्पन्न गोष्ठीमा संविधानसभा सदस्य तथा पूर्वराज्यमन्त्री खड्गबहादुर बस्याल, संविधानसभा सदस्य तथा पूर्वराज्यमन्त्री जितु गौतम, अधिकारकर्मी तथा पूर्व संविधानसभा सदस्यहरु विनोद पहाडी र लक्ष्मी परियार, अधिकारर्मी सूर्यबहादुर अधिकारी, समाजका महासचिव उत्तम पुडासैनी, कोषाध्यक्ष रेणुका पौडेल, सूचनाप्रविधि संयोजक दिपक पुडासैनी लगायतले मन्तव्य व्यक्त गर्नुभएको थियो ।

प्रशिक्षक प्रशिक्षण तालिम ः मानव अधिकार, शान्ति, लोकतन्त्र, अहिंसा, सदभाव र सहिष्णुता सवद्र्धन र प्रवद्र्धनका लागि समाजद्वारा आयोजित प्रशिक्षकहरुको सहजीकरण शिप क्षमतामा अभिबृद्धि गर्ने उद्देश्यले २०७१ फाल्गुण ७ देखि ९ सम्म दाङको हेकुली गाविसस्थित चखौरामा प्रशिक्षक प्रशिक्षण तालिम सफलतापूर्वक सम्पन्न भएको छ । समाजका केकास पदाधिकारी तथा सदस्यहरु, विभागीय संयोजकहरु र समाजका २४ जिल्ला शाखाका प्रतिनिधिहरु गरी ८५ जनाको सहभागिता रहेको थियो । यो कार्यक्रमका सहभागिहरुको आवास तथा भोजन लगायतको खर्च आतिथेय दाङ शाखाले वहन गरेको थियो । प्रशिक्षक प्रशिक्षण तालिमका मुख्यसहजकर्ता प्रकाश पोखरेल र सहजकर्ता रोहितराज पाण्डे हुनुहुन्थ्यो । फागनु ७ गते तुल्सीपुरमा र फागुन ८ गते विहान चखौरा देखि श्रीगाउँसम्म शान्ति हाम्रो अधिकार र राष्ट्रिय पहिचान ः शान्ति, अहिंसा, सद्भाव, सहिष्णुता शीर्षकमा शान्तिपदयात्रा समेत सम्पन्न भएको थियो भने फागुन ८ गते राती शान्ति काव्य प्रवाह सम्पन्न भएको थियो ।

अन्तर्राष्ट्रिय नारी दिवस (८ मार्च) का सन्दर्भमा समावेशी संरचना र महिलाहरुको मानव अधिकार विषयक गोष्ठी सम्पन्न भएको छ । काठमाडांैको गोठाटारस्थित गान्धी आदर्श उच्च मा.वि.को सभाकक्षमा २०७१ फागुन २५ गते सम्पन्न कार्यक्रमको सभापतित्व समाजका सभापति गङ्गाधर अधिकारीले गर्नुभएको थियो । गोष्ठीमा समाजका सल्लाहकार होमकान्त चौलागाई, महासचिव उत्तम पुडासैनी, गान्धी आदर्श उच्च मा.वि.का प्राचार्य गणेश चन्द, समाजका कोषाध्यक्ष रेणुका पौडेल, केन्द्रीय सदस्य राजेन्द्र पौडेल, समाजका काठमाडांै शाखाका कोषाध्यक्ष रामकृष्ण बराल तथा काठमाडांै शाखा सदस्य जगन्नाथ पुडासैनी लगायतले मन्तव्य व्यक्त गर्नुभएको थियो ।
कार्यक्रममा समाजद्वारा तयार गरिएको १० बूँदे अवधारणापत्र समेत प्रस्तुत गरिएको थियो ।

म्याग्दी बहुमुखी क्याम्पस म्याग्दीमा समाजको युवा समूह गठन भएको छ । ३० जना सदस्य रहेको यो नै समाजको पहिलो युवा समूह हो ।

कैलाली शाखाले स्थानीय एफ.एम. रेडियोमा मानव अधिकार र शान्ति रेडियो कार्यक्रम शुरु गरेको छ ।

समाजको मोरङ शाखाले पौष ४ गते नयाँ संविधान ः मानव अधिकारसम्मत संविधान विषयमा वृहत प्रवचन कार्यक्रम आयोजना गरेको छ । कार्यक्रममा २५० भन्दा बढीको सहभागिता रहेको थियो ।

माघ २९ गते काठमाडांैमा शाान्ति काव्य प्रवाहको ३३ आंै कार्यक्रम सम्पन्न भएको छ जसमा ३९ जना कविहरुले कविता वाचन गर्नुभएको थियो ।

१. २०७१ कार्तिक २७–२९ गते काठमाडांैमा सम्पन्न समाजको १७आंै रा.प. वैठकको मूलनारा ‘राष्ट्रिय पहिचान ः शान्ति,अहिंसा, सद्भाव, सहिष्णुता’ रहेको थियो भने यसै शिर्षकमा प्रस्तुत प्रस्तावसमेत सत्रांै रा.प. वैठकले पारित गरेको थियो ।
२. अभियान ः यही विषयमा केन्द्रित रही २०७१ पौष महिनामा विषेश अभियान सञ्चालन गरिएको थियो ।
३. पहिलो चरणको कार्यक्रम ः अभियानको पहिलो चरणमा १६ जिल्लामा गोष्ठी सम्पन्न भएका छन् । यस क्रममा २०७१ पौष ३ गते बाराको सिमरामा र पर्साको बीरगंजमा, पौष ४ गते हेटौडा र चितवनमा, पौष ५ गते नवलपरासीको सुनवलमा, पौष ६ गते बुटवलमा, पौष ७ गते पाल्पामा, पौष ८ गते पर्वतमा, पौष ९ गते म्याग्दी र बागलुङमा, पौष १० गते पोखरा र स्याङ्गजामा, पौष ११ गते गोरखामा, पौष १५ गते दाङ, माघ ३ गते सल्यान र माघ ५ गते काठमाडांैमा कार्यक्रम सम्पन्न भएका थिए ।
४. अवधारणापत्र प्रकाशन ः यस अभियानका लागि राष्ट्रिय पहिचान ः शान्ति,अहिंसा, सद्भाव, सहिष्णुता शीर्षकमा २००० प्रति अवधारणापत्र प्रकाशन गरिएको थियो र कार्यक्रममा प्रस्तुत गर्नुको साथै सबै सहभागिहरुलाई वितरण गरिएको थियो ।
५. सहभागिता ः गोष्ठीहरुमा राजनीतिक समाज एवम् नागरिक समाजका प्रतिनिधिहरुको उल्लेखनीय सहभागिता रहेको थियो । साथै सभासदहरु, स्थानीय प्रशासन एवम् सुरक्षा निकायका प्रतिनिधिहरु, सञ्चार जगत लगायतका विभिन्न क्षेत्रका नागरिकहरुको सहभागिता रहेको थियो ।
६. केकासको सहभागिता ः समाजकोे राष्ट्रिय पहिचान ः शान्ति, अहिंसा, सद्भाव र सहिष्णुता बिषयक देशब्यापी अभियानको पहिलो चरणमा देशका बिभिन्न १६ जिल्लामा कार्यक्रम सम्पन्न भएका छन् । समाजका संस्थापक सभापति कृष्ण पहाडीले ७ जिल्लामा प्रमुख वक्ताका रुपमा मन्तव्य व्यक्त गर्नुभएको थियो (बारा देखि पाल्पासम्म) भने सभापति गङ्गाधर अधिकारी र कोषाध्यक्ष रेणुका पौडेलले १३ जिल्ला, महासचिव उत्तम पुडासैनीले ८ जिल्ला, उपसभापति रामजीप्रसाद सुवेदीले ३ जिल्ला, सचिव गोविन्द खनालले ३ जिल्ला, केन्द्रीय सदस्य राजेन्द्र पौडेलले १० जिल्ला, सदस्य श्यामसुन्दर पराजुलीले २ जिल्ला र केन्द्रीय सदस्य सुशील बस्नेतले दुई जिल्लामा मन्तव्य व्यक्त गर्नुभएकोे थियो । साथै सल्लाहकार होमकान्त चौलागाईले नवलपरासीमा आयोजित कार्यक्रममा मन्तव्य व्यक्त गर्नुभएको थियो ।
७. आर्थिक विवरण ः उपरोक्त १५ वटा कार्यक्रमहरु समाजका जिल्ला शाखाहरुको आयोजनामा सम्पन्न भएको थियो भने काठमाडांैको कार्यक्रम केकासको आयोजनामा भएको थियो ।
क. आय ः कार्यक्रमका दौरान संस्थापक सभापति कृष्ण पहाडीद्वारा लिखित उपन्यास ग्रहण लागेको बेला १५० थान (रु ३००/प्रति पुस्तक) र स्वतन्त्रता मन्तव्य यात्रा १५ थान (रु १७५/) विक्री भएको थियो । विक्री भएको पुस्तक मध्ये रु ३४,९२५/ नगद रहेको छ भने शाखाबाट प्राप्त हुन बाँकी रु १०,५००/ रहेको छ । यसरी पुस्तक विक्रीबाट कुल आम्दानी ४५,४२५/ रहेको छ ।
यसैगरी पाल्पा शाखा र स्याङ्गजा शाखाले अभियानका लागि तीन÷तीन हजार नगद गरी जम्मा ६०००/ सहयोग गरेका थिए । यसरी कुल आय रु ५१,४२५/ रहेको थियो ।
ख. व्यय ः केकास पदाधिकारी तथा सदस्यहरुको आवास÷खर्चका सन्दर्भमा कतिपय शाखाले व्यहोरेका थिए भने केही जिल्लाको आवास खर्च र यातायात खर्च गरी रु ३२,४२५/खर्च भएको थियो । पुस्तक विक्रीबाट उठेको रकम बाटै खर्च गरी बाँकी रु ८,५००/ केन्द्रीय कार्यालयको बैंक खातामा जम्मा गरिएको छ ।

समयमै मानव अधिकारसम्मत संविधान जारी गर्न दवाव दिने उद्देश्यले समाजद्वारा शुरु गरिएको अभियानका क्रममा मंसिर २६ गते, पौष ४ गते, पौष ११ गते, पौष १८ गते, पौष २५ गते र माघ २ गते गरी ६ वटा धर्ना प्रदर्शनहरु सम्पन्न भएका छन् । यी धर्नाहरु संविधानसभा भवन नजिक नयाँ बानेश्वरमा आयोजना गरिएको थियो । पौष २५ गतेको धर्नामा फ्रान्स, यमन र नाइजेरियामा भएको आततायी आक्रमणको निन्दा समेत गरिएको थियो ।