शान्ति समाज रुपन्देहीद्वारा सञ्चारकर्मीहरुलाई ९० हजारको खाद्यान्न सहयोग

शान्ति समाज रुपन्देहीद्वारा सञ्चारकर्मीहरुलाई ९० हजारको खाद्यान्न सहयोग

मानव अधिकार तथा शान्ति समाज रुपन्देही शाखाले लकडाउनका कारण उत्पन्न असहज स्थितिलाई मध्यनजर गर्दै रुपन्देहीस्थित श्रमजिवी पत्रकारहरुका लागि रु. ९० हजारको खाद्यान्न सहयोग गरेको छ । २०७७ जेठ ३ गते वुटवलस्थित नेपाल पत्रकार महासंघको जिल्ला कार्यालयमा १ हजार २ सय ५० केजी चामल, १०० केजी दाल, ५० लिटर तेल, सावुन सहितको सामग्री नेपाल पत्रकार महासंघ रुपन्देहीका सभापति यानेन्द्र जिसीलाई शान्ति समाजका केन्द्रिय बरिष्ठ उपसभापति गोविन्द खनाल, रुपन्देही शाखा सभापति धनपति खनाल सम्मिलित शान्ति समाजको टोलीले हस्तान्तरण गरेको थियो । सो प्रयोजनका लागि साझा हस्पिटल वुटवलबाट रु. २९ हजार, शान्ति समाजका सदस्यहरु खेमलाल कंडेलबाट रु. १७ हजार, कमल ढुंगानाबाट रु. १७ हजार, गणेश पाण्डेबाट रु. ११ हजार, ज्ञानप्रसाद खनालबाट रु. ११ हजार र शैशव खनालका अभिभावकबाट रु. ५ हजार सहयोग प्राप्त भएको थियो ।

सीमा अतिक्रमण अपराध/कृष्ण पहाडीसहित २२ अधिकारकर्मी गिरफ्तार

सीमा अतिक्रमण अपराध/कृष्ण पहाडीसहित २२ अधिकारकर्मी गिरफ्तार
भारतले गरेको नेपाली भुमी अतिक्रमण विरुद्ध मानव अधिकार तथा शान्ति समाजले २०७७ वैशाख ३० गते दिउँसो भारतीय दुतावास लैनचौर अगाडि बिरोध प्रदर्शन गरेको छ । बिरोध प्रदर्शनबाट प्रहरीले विख्यात अधिकारकर्मी तथा शान्ति समाजका संस्थापक सभापति कृष्ण पहाडी, सभापति उत्तम पुडासैनी, अपिल समिति संयोजक बटुकृष्ण ढुंगेल, सचिव बलबहादुर गाहा मगर, कोषाध्यक्ष रामकृष्ण बराल, केन्द्रिय सदस्य गीता तिमल्सिना, अधिकारकर्मीहरु जगन्नाथ पुडासनैनी, चन्द्रमणी बञ्जरा, नानिकाजी गिरी, ईश्वर पुडासैनी, अमृतजंग महत, विकास थापा, भगवान पुडासैनी, रामहरी श्रेष्ठ, उमा गौतम, लक्ष्मी राना पुडासैनी, माया भट्टराई, ज्ञानहरी ढुंगाना, सुरज बोहरा, हरिचन्द्र पुडासैनी, ललित पुन र धिरेन पुनसहित २२ जनालाई गिरफ्तार गरेको छ । गिरफ्तार अधिकारकर्मीहरुलाई नेपाल पुलिस क्लब भृकुटीमण्डपमा राखेको छ ।
विरोध प्रदर्शनका क्रममा सीमा अतिक्रमण अपराध हो, नेपालको सार्वभौमसत्ताको सम्मान गर, लिपुलेक सडक निर्माण तत्काल रोक, भारतीय सेना कालापानीबाट फिर्ता गर लेखिएका प्लेकार्डहरु प्रदर्शन गरिएको थियो ।
यसैगरी मानव अधिकार तथा शान्ति समाज दाङ शाखाले भारतले गरेको सीमा अतिक्रमणको विरोधमा २०७७ वैशाख ३० गते विहान तुलसीपुरमा विरोध प्रदर्शन गरेको छ । विरोध प्रदर्शनमा शान्ति समाजका केन्द्रिय महासचिव सुशिल बस्नेत, दाङ शाखा सभापति शरद रेग्मी, पुर्व सभापतिहरु मोहन धिताल, निर्मल नेपाली, उपसभापति तुलसीराम सुनुवार, सचिव निर्मला डाँगी, सहसचिव उषा गौतम, सदस्य भीमलाल मरासिनी लगायतको सहभागिता थियो ।

अतिक्रमण विरुद्ध वुटवलमा शान्ति समाजको प्रदर्शन/अर्को प्रदर्शन भारतीय दुतावास अगाडि हुने

अतिक्रमण विरुद्ध वुटवलमा शान्ति समाजको प्रदर्शन/अर्को प्रदर्शन भारतीय दुतावास अगाडि हुने
मानव अधिकार तथा शान्ति समाज रुपन्देही शाखाले भारतले गरेको नेपाली भुमी अतिक्रमण विरुद्ध वुटवलस्थित अस्पताल लाइनमा २०७७ वैशाख २९ गते दिउँसो धर्ना प्रदर्शन गरेको छ । प्रदर्शनमा शान्ति समाजका केन्द्रिय वरिष्ठ उपसभापति गोविन्द खनाल, रुपन्देही शाखा सभापति धनपति खनाल, केन्द्रिय सदस्य लालप्रसाद (कृष्ण) पंगेनी, अधिकारकर्मीहरु लालहरी पाण्डेय, विक्रम खड्का, अर्जुन ज्ञवाली, कपिल ज्ञवाली, धनकुमारी खनाल, कृष्ण पाण्डे लगायतको सहभागिता थियो ।
विरोध प्रदर्शनका क्रममा लिपुलेक सडक निर्माण तत्काल रोक, लिपुलेक सहितको नेपालको नक्सा सार्वजनिक गर, नेपाली भुमी संरक्षण गर, सीमा अतिक्रमण अपराध हो, सार्वभौमिकता संरक्षण गर, नेपाल सरकार स्वेतपत्र जारी गर, भारतीय सेना कालापानीबाट फिर्ता गर, दुई देशका नागरिक स्तरको सद्भाव कायम गर लेखिएका प्लेकार्डहरु प्रदर्शन गरिएको थियो ।
यसैगरी मानव अधिकार तथा शान्ति समाजले भारतले गरेको नेपाली भुमी अतिक्रमण विरुद्ध २०७७ वैशाख ३० गते मंगलबार दिउँसो १२ बजे भारतीय दुतावास लैनचौर खानी विभाग अगाडि धर्ना प्रदर्शन आयोजना गर्दैछ । विद्यमान अवस्थाका कारण सहभागिता संख्या सिमित गरी आवश्यक दुरी कायम गर्दै प्रदर्शन गरिने छ ।

भारतीय अतिक्रमणको निन्दा

भारतीय अतिक्रमणको निन्दा
लिपुलेक लगायतको नेपाली भु भाग अतिक्रमण गरी भारतले बाटो निर्माण गरेको घटनाको मानव अधिकार तथा शान्ति समाज निन्दा गर्दछ । नेपाली भुमीमा बाटो निर्माण कार्य तत्काल रोक्न र कालापानीबाट यथाशीघ्र भारतीय सेना फिर्ता गर्न शान्ति समाज पुन भारत सरकारलाई आग्रह गर्दछ । यसैगरी नेपाली भुभागमाथिको भारतीय अतिक्रमणलाई रोक्न र नेपाली भुमी कालापानीमा तैनाथ भारतीय सेनालाई फिर्ता पठाउन शान्तिपुर्ण तवरमा कुटनीतिक÷राजनीतिक पहल तिव्र बनाउन नेपाल सरकार समक्ष शान्ति समाज पुन आग्रह गर्दछ ।
भारतले केही महिना अगाडि प्रकाशन गरेको भारतको राजनीतिक नक्सामा नेपाली भुभाग लिम्पीयाधुरा लिपुलेक र कालापानीलाई समेत समावेश गरेको घटनाले नेपालको सार्वभौमसत्तामाथि प्रहार हुनुका साथै नेपाली स्वाभिमान आहत भएको थियो । त्यसबेला उक्त राजनीतिक नक्सा तुरुन्त सच्याउन र अतिक्रमित नेपाली भुभागबाट भारतीय सेना तत्काल फिर्ता गर्न आह्वानसहित शान्ति समाजले सञ्चालन गरेको अभियानका क्रममा विभिन्न जिल्लामा दर्जन भन्दा बढी धर्ना प्रदर्शन सम्पन्न भएको थियो । यसैगरी सो विषयमा भारतीय प्रधानमन्त्रीसँग छलफल गर्न र यस्तो संवेदनशिल विषयमा नेपाल सरकारले कुटनीतिक÷राजनीतिक तवरमा गरेको पहल सहितको सम्पुर्ण विवरण समावेश गरी स्वेतपत्र जारी गर्न प्रधानमन्त्री के.पी शर्मा ओलीलाई आग्रहसहित दुई दर्जन भन्दा बढी जिल्लामा शान्ति समाजका जिल्ला शाखाहरुले प्रमुख जिल्ला अधिकारी मार्फत ज्ञापनपत्र बुझाएका थिए । तर यस्तो संवेदनशिल विषयमा नागरिक स्तरबाट अघि सारिएका सुझावहरुप्रति सरकार उदासिन रह्यो । एकातिर भारत आक्रामक ढंगले नेपाली भुभाग अतिक्रमण गरिरहेको छ, अर्कोतिर यस्तो संवेदनशील विषयमा कुटनीतिक÷राजनीतिक पहलमा नेपाल सरकार शिथिल र संवेदनहिन देखिन्छ । यस्तो गम्भीर विषयलाई अन्तराष्ट्रिय र क्षेत्रीय मञ्चहरुमा प्रभावकारी ढंगले उठाउन समेत नेपाल सरकारलाई शान्ति समाज आग्रह गर्दछ ।
समाजका तर्फबाट
सुशिल बस्नेत
महासचिव
मावन अधिकार तथा शान्ति समाज
केन्द्रिय कार्यसमिति
मिति : २०७७ वैशाख २८

शान्ति समाजद्वारा दुई वृद्धाश्रमलाई रु. ५० हजार सहयोग

शान्ति समाजद्वारा दुई वृद्धाश्रमलाई रु. ५० हजार सहयोग
काठमाण्डौ टौदहस्थित निजानन्द वृद्धाश्रम र गागलफेदीस्थित जेष्ठ नागरिक सेवा आश्रमलाई मानव अधिकार तथा शान्ति समाजले रु. ५० हजारको खाद्य सामग्री सहयोग गरेको छ । २०७७ वैशाख २६ गते शान्ति समाजका केन्द्रिय सभापति उत्तम पुडासैनी, कोषाध्यक्ष रामकृष्ण बराल र सदस्य भगवान पुडासैनीको टोलीले मानव अधिकार तथा शान्ति समाजका तर्फबाट चामल, दालसहित खाद्य सामग्री उक्त वृद्धाश्रमहरुमा हस्तान्तरण गर्नुभएको थियो । सो कार्यका लागि अग्रजहरु काठमाण्डौ निवासी डा. देवेन्द्रराज पाण्डे र पद्या पाण्डेले रु. २५ हजार र विराटनगर निवासी बद्रीप्रसाद पहाडीले रु. २५ हजार शान्ति समाजलाई प्रदान गर्नुभएको थियो । पाण्डे र पहाडी परिवारप्रति शान्ति समाज आभार व्यक्त गर्दछ ।

विवादास्पद अध्यादेशको निन्दा/प्रतिगमन उन्मुख कृत्यको विरोधमा एकजुट हुन आग्रह

विवादास्पद अध्यादेशको निन्दा/प्रतिगमन उन्मुख कृत्यको विरोधमा एकजुट हुन आग्रह
कोभिड १९ को त्रासदीका कारण देशमा लकडाउन लागु भएको बेला मन्त्री परिषद्ले विवादास्पद प्रावधानसहित अध्यादेश ल्याउने निर्णय गरेको समाचारप्रति मानव अधिकार तथा शान्ति समाजको गम्भीर ध्यानाकर्षण भएको छ । संकटको यो अवस्थामा यस्तो अध्यादेश ल्याउनुपर्ने औचित्य सिद्ध हुन सक्दैन । समाचारमा आएजस्तो संवैधानिक परिषद्को गणपुरक संख्या घटाउने प्रावधान अध्यादेशमा निहित रहेको हो भने सरकार संसदीय लोकतन्त्रको मूल्य र मान्यतालाई क्षत विक्षत बनाउन खोज्दै छ ।
यसैगरी वर्तमान संवेदनशिल अवस्थामा राजनीतिक दल सम्बन्धी ऐन संशोधनको लागि अध्यादेश ल्याउने प्रस्ताव दुर्भाग्यपुर्ण छ । यस्ता कदमले सरकारले संयम गुमाएको र संवेदनहिन देखिएको धारणा मानव अधिकार तथा शान्ति समाजको रहेको छ । संकटको बेला नागरिकको जीवन रक्षाका विषयमा अधिकतम केन्द्रित हुनुपर्नेमा विषयान्तर भएर सरकारले गरेको यस्तो लोकतन्त्रको मर्म विरोधी क्रियाकलापको शान्ति समाज निन्दा एवं भत्र्सना गर्दछ । साथै प्रतिगमन उन्मुख कुनै पनि कृत्यको विरोधमा एकजुट हुन पनि सबैलाई आह्वान गर्दछ ।
समाजका तर्फबाट
उत्तम पुडासैनी
सभापति
मानव अधिकार तथा शान्ति समाज
केन्द्रिय कार्यसमिति
मिति : २०७७ वैशाख ८

बाँदरलाई खाद्य सामग्री

बाँदरलाई खाद्य सामग्री
मानव अधिकार तथा शान्ति समाज काठमाण्डौ शाखाले २०७७ वैशाख ३ गते बाँदरहरुलाई खाद्य सामग्री उपलब्ध गराएको छ । शान्ति समाजका केन्द्रिय कोषाध्यक्ष रामकृष्ण बरालको सौजन्यबाट रु. ९ हजारको पाउरोटी, चनासहितको खाद्य सामग्री काठमाण्डौ गुहेश्वरीदेखी पशुपति विश्वरुप सम्मका बाँदरहरुलाई समाजका केन्द्रिय सभापति उत्तम पुडासैनी, काठमाण्डौ शाखा सभापति जगन्नाथ पुडासैनी, सचिव ईश्वर पुडासैनी लगायतले वितरण गर्नुभएको थियो ।
शान्ति समाजले क्रमशः कुकुर, माछा, असहाय बाच्छाबाच्छीहरुलाई खाद्य सामग्री उपलब्ध गराउने भएको छ ।

शान्ति समाजद्वारा काठमाण्डौमा राहत वितरण

शान्ति समाजद्वारा काठमाण्डौमा राहत वितरण
अति विपन्न ३५ श्रमिक परिवारलाई मानव अधिकार तथा शान्ति समाज काठमाण्डौ शाखाले २०७७ वैशाख २ गते बिहान काठमाण्डौमा चामल, तेल, पिठो गरी रु. ७३ हजार ५ सयको राहत सामग्री वितरण गरेको छ ।
काठमाण्डौको गुह्ेश्वरीस्थित असहाय बाच्छाबाच्छी संरक्षण स्थल रहेको चौर नजिकै खुला स्थानमा गोकर्णेश्वर नगरपालिकाका मेयर सन्तोष चालिसे, मानव अधिकार तथा शान्ति समाजका केन्द्रिय सभापति उत्तम पुडासैनी, सल्लाहकार होमकान्त चौलागाई, काठमाण्डौ शाखा सभापति जगन्नाथ पुडासैनीसहितले विपन्न परिवारलाई राहत सामग्री हस्तान्तरण गर्नुभएको हो ।
यसैगरी मानव अधिकार तथा शान्ति समाज दाङ शाखाले २०७६ चैत ३० गते कोरोना भाईरस संक्रमण(कोभिड १९)का कारण लकडाउनका अवधिमा दैनिकी चलाउन कठिनाई सामना गरिरहेका दाङका विपन्न श्रमिक परिवारका लागि दाल, चामल गरि रु.२३ जार २ सय ५० को खाद्यान्न सामग्री हस्तान्तरण गरेको थियो ।

दाङमा राहत हस्तान्तरण/सहकार्य बाक्लो बनाउन र संयन्त्र निर्माण गर्न आग्रह

दाङमा राहत हस्तान्तरण/सहकार्य बाक्लो बनाउन र संयन्त्र निर्माण गर्न आग्रह
१. मानव अधिकार तथा शान्ति समाज दाङ शाखाले कोरोना भाईरस संक्रमण(कोभिड १९)का कारण लकडाउनका अवधिमा दैनिकी चलाउन कठिनाई सामाना गरिरहेका विपन्न श्रमिक परिवारका लागि दाल, चामल लगायत रु.२३ हजार २ सय ५० को उपभोग्य सामग्री हस्तान्तरण गरेको छ । विमल रिजाल सहित शान्ति समाजका सदस्यहरुबाट प्राप्त उक्त सहयोग बिपन्न तप्कामा बितरण गर्ने गरि तुलसीपुर उपमहानगरपालिकाका प्रमुख घनश्याम पाण्डेलाई चैत ३० गते शान्ति समाजका केन्द्रिय महासचिब सुशील बस्नेत, दाङ सभापति शरद रेग्मी, उपसभापति तुल्सीराम सुनार, सचिव निर्मला डाँगी सहितले हस्तान्तरण गर्नुभएको हो । फुड बैकमा जम्मा भएको उक्त राहत सामग्री विपन्न श्रमिकहरुलाई बितरण गरिने नगरप्रमुख घनश्याम पाण्डेले बताउनुभयो ।
२. मानव अधिकार तथा शान्ति समाज रुपन्देहीका कोषाध्यक्ष तिलोत्तमा—५, मणिग्राम निवासी युवा उद्यमी कृष्ण भट्टराईले रुपन्देहीको तिलोत्तमा नगरपालिका शंकरनगरमा सञ्चालित क्वारेन्टाईनमा दैनिक १० लिटर दुध र हप्ताको दुई पट्क पनिर सहयोग स्वरुप उपलब्ध गराउने हुनुभएको छ ।
३. लकडाउनको अवधिलाई सहजिकरण गर्न उपायहरुसहित सबै तहका सरकार÷निकायहरुले राहत सहितको सेवामुखी योजना अवलम्बन गर्न शान्ति समाज आग्रह गर्दछ ।
४. अन्य राष्ट्ररुमा झै कोभिड १९ का संक्रमित बिरामिहरुको उपचारमा प्रयोग गर्ने औषधिको आधिकारिक प्रोटोकल तयार गर्न सरकारलाई शान्ति समाज आग्रह गर्दछ । यसैगरी चिकित्सक÷ स्वास्थकर्मीहरु स्वयंलाई संक्रमणबाट सुरक्षाका लागि आवश्यक सामग्रीसहित प्रिभेन्टीभ औषधीको समेत व्यवस्था गर्न शान्ति समाज सरकारलाई आग्रह गर्दछ ।
५. चिकित्सक तथा स्वास्थ्यकर्मीहरुको सुरक्षा र संरक्षणका लागि पर्याप्त विमा, भइपरी आउँदा उल्लेख्य सहयोग व्यवस्था गर्न सरकारलाई शान्ति समाज पुन आग्रह गर्दछ । यसैगरी लकडाउनको अवधिमा चिकित्सकको परामर्श विना जथाभावी आफुखुसी औषधीको प्रयोग नगर्न सबै नागरिकहरुलाई शान्ति समाज आग्रह गर्दछ ।
६ .कोभिड १९ संक्रमण रोकथाम÷नियन्त्रणका लागि प्रभावकारी व्यवस्था हेतु सरकार, राजनीतिक समाज र नागरिक समाजबिच सहकार्यका लागि एक महिना अगाडिदेखी नै शान्ति समाजले आग्रह गर्दै आएको पुन स्मरण गराउँदै कोभिड १९ का कारण विद्यमान संकटको सामना र समाधानका लागि त्यस्तो सहकार्यलाई बाक्लो बनाउन र विज्ञ चिकित्सक÷स्वास्थ्यकर्मी समेत सम्मिलित संयन्त्र समेत निर्माण गर्न र सम्पुर्ण निकायहरुबिच समन्वयलाई प्रभावकारी बनाउन शान्ति समाज सरकारलाई पुन आग्रह गर्दछ ।
समाजका तर्फबाट
सुशिल बस्नेत
महासचिव
मानव अधिकार तथा शान्ति समाज
केन्द्रिय कार्यसमिति
मिति : २०७६ चैत ३०

४५ जनाद्धारा रक्तदान

४५ जनाद्धारा रक्तदान
लकडाउनको अवधिमा रगतको अभाव हुन नदिन मानव अधिकार तथा शान्ति समाजको आयोजनामा चैत २२ गते बिहान काठमाण्डौमा रक्तदान कार्यक्रम सम्पन्न भएको छ । गुह्ेश्वरी वाग्मती किनारमा अवस्थित खुला चौर (असहाय बाच्छाबाच्छी संरक्षण स्थल)मा सम्पन्न रक्तदान कार्यक्रमा गोकर्णमणी पुडासैनी, हरिभक्त पुडासैनी, परशुराम पुडासैनी, आत्मराम पुडासैनी, राजेन्द्र खनाल, विनोद पुडासैनी, रवि मानन्धर, गणेश हुमागाई, प्रकाश पुडासैनी, नरेश पुडासैनी, रामशरण भारती, राकेश बोहरा, ज्योती पुडासैनी, धनलाल कँडेल, कुमार पुडासैनी, पुष्कर पुडासैनी, बद्री पुडासैनी, बाबुराम बस्नेत, नारायण बहादुर सुवेदी, दिपक पुडासैनी, विवेक पुडासैनी, प्रणव पुडासैनी, रितेश पौड्याल, विजय लामा, असितमान श्रेष्ठ, रामहरी सापकोटा, अजिप लामा, सोनाम तामाङ, सन्ध्या पुडासैनी, मनिष पुडासैनी, साहिल पुडासैनी, इमान लामा, सिता घलान, दुर्गा राना, श्रीकृष्ण पुडासैनी, सरु पुडासैनी, सोमन पुडासैनी, सुरज लामा, कृष्णप्रसाद फुयाल, रुपेश पुडासैनी, नारायण कुमार पुडासैनी, रोज विष्ट, रामचन्द्र दंगाल, संजीत कार्की र सुमना गिरी सहित ४५ जनाले रक्तदान गर्नुभएको थियो ।
सुरक्षाका मापदण्डहरु अवलम्वन गर्दै सतर्कताका साथ सम्पन्न रक्तदान कार्यक्रममा रक्तदाताहरुलाई मानव अधिकार तथा शान्ति समाजका केन्द्रिय सभापति उत्तम पुडासैनीले धन्यवाद ज्ञापन गर्नुभएको थियो । त्यस दौरान गोकर्णेश्वर नगरपालीकाका मेयर सन्तोष चालीसे, उपमेयर शान्ति नेपाल, कागेश्वरी मनोहराका मेयर कृष्णहरी थापासहित जनप्रतिनिधिहरुको समेत सहभागिता थियो ।
यसैगरी शान्ति समाज रुपन्देही शाखाले चैत २१ गते वुटवलस्थित सुकुम्बासी बस्तिका विपन्त परिवारलाई रु. ५० हजारको खाद्यान्नसहित राहत सामग्री प्रदान गरेको थियो भने त्यस अघि चैत १० गते बुटवलमा तीन सय वटा मास्क वितरण गरेको थियो ।