लोकतन्त्र दिवसका दिन शान्ति समाजको १४ जिल्लामा कार्यक्रम

प्रेस विज्ञप्ति
लोकतन्त्र दिवसका दिन शान्ति समाजको १४ जिल्लामा कार्यक्रम
१५ औँ लोकतन्त्र दिवसका अवसरमा मानव अधिकार तथा शान्ति समाजको आयोजनामा २०७८ वैशाख ११ गते वुटवलमा लोकतन्त्र र सुशासन विषयका गोष्ठी सम्पन्न भएको छ । कार्यक्रममा बोल्दै शान्ति समाजका केन्द्रीय सभापति गोविन्द खनालले लोकतन्त्र स्थापनार्थ नागरिक समाज÷शान्ति समाजले निर्वाह गरेको भूमिका स्मरण गर्दै मानव अधिकार, शान्ति, लोकतन्त्र र अहिंसाका लागि शान्ति समाज सदैव क्रियाशील रहने बताउनुभयो । कार्यक्रममा नेपाल प्राध्यापक संघका अध्यक्ष डा. बुद्ध बहादुर थापा, लुम्बिनी प्रदेश सभा सदस्य दीपा बि क, बरिष्ठ पत्रकार तथा अधिवक्ता डा.बालकृष्ण चापागाई, नेपाल बार एशोसियसन उच्च अदालत बुटवलका अध्यक्ष जोग बहादुर खत्री, नेपाल पत्रकार महासंघका केन्द्रीय सदस्य भवानीप्रसाद पाण्डे, शान्ति समाजका सचिव मीना ढकाल, केन्द्रीय सदस्यहरु विष्णु भुसाल र दीलबहादुर कार्की, जिल्ला सभापति डिपी खनाल, रुपन्देही उद्योग संघका अध्यक्ष बाबुराम बोहोरा, रुपन्देही व्यापार संघका अध्यक्ष यमलाल लोहनी, पत्रकार महासंघ रुपन्देही जिल्ला अध्यक्ष रामराज पोखरेल, उपाध्यक्ष विश्वास ढकाल, वुमन केयर नेपाल रुपन्देही अध्यक्ष रीता केसी, मधेस मानव अधिकार गृहका अध्यक्ष रबी ठाकुर, अधिवक्ता बाबुराम पाण्डे, बुटवल उद्योग बाणिज्य संघकी जमुना पौडेल र राजनीतिक समाजका प्रतिनिधिहरुले मन्तव्य व्यक्त गर्नुभएको थियो ।
यसैगरी लोकतन्त्र दिवसकै अवसरमा वैशाख ११ गते शान्ति समाजको रुपन्देही, मोरङ, संखुवासभा, चितवन, सुर्खेत शाखाले दिप प्रज्वलन र ललितपुर, बारा, स्याङ्जा, महोत्तरी, दाङ, पाल्पा, नवलपुर, अछाम र गुल्मी शाखाले अन्तरक्रियासहित चियापान कार्यक्रम आयोजना गरेका थिए ।
समाजका तर्फबाट

सरिता पौडेल
कार्यक्रम अधिकृत
मानव अधिकार तथा शान्ति समाज
मिति ः २०७८ वैशाख १२

म्यानमारमा भैइरहेको हत्या र दमन विरुद्ध प्रदर्शन/नुवाकोटमा एक दर्जन कार्यक्रम

प्रेस विज्ञप्ति
म्यानमारमा भैइरहेको हत्या र दमन विरुद्ध प्रदर्शन÷नुवाकोटमा एक दर्जन कार्यक्रम
२०७७ चैत २७ गते मानव अधिकार तथा शान्ति समाज केन्द्रीय कार्यसमितिको बैठक नुवाकोटमा सम्पन्न भएको छ । बैठकले बर्मेली नागरिकको जीवन रक्षा एवं शान्ति र लोकतन्त्र बहालीका लागि शान्ति समाजले थालेको अभियानलाई तिव्रता दिने निर्णय गरेको छ । सोही दिन शान्ति समाजले बर्मामा भइरहेको हत्या र दमन विरुद्ध नुवाकोटको विदुरमा प्रदर्शन गरेको थियो ।
शान्ति समाज नुवाकोट शाखाले चैत २३ गतेदेखी शुरु  गरेको सप्ताहव्यापी कार्यक्रम अन्तर्गत विश्व शान्ति, मानव अधिकार र जलवायु परिवर्तनका विषयमा केन्द्रीत रहि ६ वटा शैक्षिक प्रतिष्ठानमा सचेतना कार्यक्रम, सांकेतिक रुपमा नगर तथा नदी सफाई, शान्ति काव्य प्रवाह र  दण्डहीनता विरुद्ध केन्द्रीत रही अन्तरक्रिया कार्यक्रम सम्पन्न भएको थियो ।  चैत २८ गते समाजका नुवाकोट शाखा सभापति नारायण श्रेष्ठको सभापतित्वमा सम्पन्न अन्तरक्रियामा समाजका संस्थापक सभापति कृष्ण पहाडी, सभापति गोविन्द खनाल, सल्लाहकार उत्तम पुडासैनी, उपसभापति रत्नलक्ष्मी श्रेष्ठ, सचिव रामप्रसाद जोशी लगायतले मन्तव्य व्यक्त गर्नुभएको थियो ।
शान्ति समाज केन्द्रीय कार्यसमिति बैठकले शान्ति समाजको सल्लाहकारमा समाजका पूर्व सभापति होमकान्त चौलागाईलाई नियुक्त गरेको छ भने निवर्तमान सभापति उत्तम पुडासैनी पदेन सल्लाहकार हुनुहुन्छ । बैठकले शान्ति समाजको विधान अनुसार ६ जना केन्द्रीय सदस्यहरुमा किरण ढकाल काठमाण्डौ,कृष्ण नारायण श्रेष्ठ नवलपरासी पश्चिम, सुदिप रिजाल मोरङ, दुर्गा राना मगर (लक्ष्मी) काठमाण्डौ, उमा गौतम काठमाण्डौ र गणेश पौडेल रौतहटलाई नियुक्त गरेको छ । यसैगरी अनुशासन समितिको संयोजकमा डिकप्रसाद घिमिरे र सदस्यहरुमा लालहरी पाण्डे र दुर्गा देवकोटा तथा सदस्यता अपिल समितिको संयोजकमा बलबहादुर गाहा मगर र सदस्यहरुमा भुमिश्वर गौतम र ईश्वरा लिङ्देनलाई नियुक्त गरेको छ ।समाजका तर्फबाट
सरिता पौडेल
कार्यक्रम अधिकृत
मानव अधिकार तथा शान्ति समाज
मिति ः २०७७ चैत ३०

चीन र भारतको मौनताप्रति आश्चर्य/म्यानमारमा भैरहेको हत्या र दमन विरुद्ध कविहरु

प्रेस विज्ञप्ति
चीन र भारतको मौनताप्रति आश्चर्य÷म्यानमारमा भैरहेको हत्या र दमन विरुद्ध कविहरु
”ब्रह्माको सुरलोक हो अघि ठूलो बर्मा भयो त्यै पछि, सत्ता सैनिकले लिदा मुलुकको ऐले भयो दुर्गति
जुन्ताको सरकारले यति ठूलो संहार ऐले गर्यो,बोलेनन् किन चीन भारत दुवै आश्चर्य मान्नै पर्यो”
मानव अधिकार तथा शान्ति समाजद्वारा आयोजित मासिक शान्ति काव्य प्रवाहको ८८ औँ श्रृंखलामा म्यानमारमा यति ठूलो अत्याचार भइरहँदा बर्माका छिमेकीहरु चीन र भारतको मौनताबारे प्रश्न गर्दै कवि रत्ननिधि रेग्मीद्वारा प्रस्तुत कविताको अंश हो यो । कोभिड त्रासदीका कारण १४ महिना स्थगन पश्चात चैत २६ गते काठमाण्डौमा सुचारु भएको शान्ति काव्य प्रवाहमा कविहरुले म्यानमार (बर्मा)मा भइरहेको अत्याचारको निन्दा गर्दै बर्मेली जनताको जीवन रक्षा र शान्ति वहालीका लागि समस्त विश्व एक भएर लाग्नुपर्नेमा जोड दिएका थिए । कार्यक्रममा बोल्दै शान्ति समाजका संस्थापक सभापति कृष्ण पहाडीले बर्मामा लोकतन्त्रको पक्षमा उभिएका दुई जना कविहरुको हत्या र ९ जना कविहरुको गिरफ्तारीको निन्दा र भत्र्सना गर्दै बर्मेली जनताको लोकतन्त्र पुर्नस्थापनाको अहिंसात्मक आन्दोलनमा विश्वका सबै कवि लेखकहरुले साथ दिनुपर्ने बताउनुभयो ।
शान्ति समाजका सल्लाहकार उत्तम पुडासैनीले बर्मेली जनताको स्वतन्त्रताको अहिंसात्मक आन्दोलनप्रति ऐक्यवद्धता व्यक्त गर्नुभयो ।
शान्ति समाज केन्द्रीय सभापति गोविन्द खनालको सभापतित्व र महासचिव रामकृष्ण बरालको सञ्चालनमा सम्पन्न काव्य प्रवाहमा सहभागि कविहरुलाई शान्ति समाजका आजीवन सदस्य कवि रामबाबु दाहालको हालै प्रकाशित कविता संग्रह ‘मनका स्वरहरु’ र शान्ति समाजका तर्फबाट मास्क, स्यानिटाइजर र साबुनसहित रु. ७ हजार ५ सयको स्वास्थ्य सामग्री उपहार स्वरुप प्रदान गरिएको थियो ।
काव्य प्रवाहमा कविहरु ज्ञानुवाकर पौडेल, रामबहादुर पहाडी, साधना प्रतिक्षा, ऋचा, रत्ननिधि रेग्मी, प्रकाशमणी दाहाल, रत्नलक्ष्मी श्रेष्ठ, जसध्वज गुरुङ, प्रिति कौर, त्रिपुरा पौडेल, दुर्गा किरण तिवारी, विमला दाहाल, रुद्र अधिकारी, भुवन शिवाकोटी, मुकुन्द न्यौपाने, निर्मल पराजुली, शेरबहादुर अधिकारीसहित १८ जनाले कविता वाचन गर्नुभएको थियो ।
समाजका तर्फबाट
सरिता पौडेल
कार्यक्रम अधिकृत
मिति ः २०७७ चैत २६

म्यानमारका नागरिकको जीवन रक्षाका लागि मैनवत्तीसहित प्रदर्शन

प्रेस विज्ञप्ति
म्यानमारका नागरिकको जीवन रक्षाका लागि मैनवत्तीसहित प्रदर्शन
शान्तिवादीहरुले आँखा÷निधारमा कालोपट्टी बाँधी मैनवत्ती बोकेर चैत २५ गते साँझ काठमाण्डौ बौद्धमा प्रदर्शन गरेका छन् । म्यानमार (बर्मा)का नागरिकको जीवन रक्षा, शान्ति र लोकतन्त्र वहालीको मागसहित मानव अधिकार तथा शान्ति समाजद्वारा साँझ ६ः३० देखी ७ बजेसम्म बौद्धनाथ अगाडि आयोजित प्रदर्शनमा शान्ति समाजका संस्थापक सभापति कृष्ण पहाडी, सभापति गोविन्द खनाल, सल्लाहकार उत्तम पुडासैनी, पूर्व सभापति होमकान्त चौलागाई, उपसभापति रत्नलक्ष्मी श्रेष्ठ, महासचिव रामकृष्ण बराल, कोषाध्यक्ष जगन्नाथ पुडासैनी, केन्द्रीय सदस्य चन्द्रमणी बञ्जारा, अधिकारकर्मीहरु गीता तिमल्सिना, दुर्गा राना, उमा गौतम, रुपा गिरी, रोज विष्ट, नानीकाजी गिरी, ईश्वर पुडासैनी, किरण ढकाल, यदु खतिवडासहित ५ दर्जन शान्तिवादीहरुको सहभागिता थियो । प्रदर्शनमा सहभागिहरुले बर्मा ः नागरिकको जीवन रक्षा गर, शान्ति बहाली गर, लोकतन्त्र बहाली गर, मानवता विरुद्धको अपराध अन्त्य गर, मानव अधिकार उल्लंघन बन्द गर, बर्मेली जनताप्रति ऐक्यवद्धता, सैनिक शासन खारेज गर लेखिएका प्लेकार्ड बोकेका थिए । प्रदर्शनमा गोकर्णेश्वर न.पा.का उपमेयर शान्ति नेपाल, वडा अध्यक्ष रमेश अर्याल, नारायण सुवेदी, राजीव थापा, मनोज ढुंगाना, वडा सदस्य सत्यभाावा श्रेष्ठसहित जनप्रतिनिधिहरुले समेत प्रदर्शनमा सहभागी भई ऐक्यवद्धता जनाउनुभएको थियो ।
यसैगरी चैत २५ गते साँझ शान्ति समाजका दाङ, पाल्पा र चितवन शाखाले पनि बर्माका नागरिकको जीवन रक्षा तथा बर्मामा शान्ति र लोकतन्त्रको बहालीको मागसहित तुलसीपुर, तानसेन र भरतपुरमा प्रदर्शन गरेका छन् भने चैत २४ गते शान्ति समाजका रौतहट र बाजुरा शाखाले प्रदर्शन गरेका थिए ।
बर्मामा भइरहेको दमन र हत्याको शान्ति समाजले निरन्तर विरोध गर्दै आएको छ र विभिन्न जिल्लामा २० भन्दा बढी प्रदर्शनहरु आयोजना गरिसकेको छ ।
यस्तै मानव अधिकार तथा शान्ति समाजको आयोजनामा काठमाडौं जोरपाटीस्थित शुभसहयोग सहकारी संस्थाको सहयोगमा २०७७ चैत्र २३ गते काभ्रे जिल्लाको चौंरी देउराली गाउँपालिका स्थित फडिम भन्ज्याङ्गमा रहेको ज्वालादेवी आधारभूत बिद्यालयमा अध्ययनरत झण्डै १०० बिद्यार्थीहरुका लागि ८० हजार मुल्यको स्टेशनरी सामग्री बितरण गरिएको छ । शान्ति समाजका केन्द्रिय महासचिव रामकृष्ण बरालले संयोजन गरेको सहयोग वितरण कार्यक्रममा शान्ति समाजका सल्लाहकार उत्तम पुडासैनी, कोषाध्यक्ष जगन्नाथ पुडासैनी, पूर्व कोषाध्यक्ष बटुकृष्ण ढुंगेल, काठमाडौं शाखा का.वा सभापति नानिकाजी गिरी, काठमाण्डौ शाखा पूर्व सभापति उद्धब रायमाझी,सदस्यहरु भगवान पुडासैनी र सुरज बोहोरा, ज्वालादेवी विद्यालय ब्यवस्थापन समितिका पूर्व अध्यक्ष उत्तर बहादुर तामाङ्ग लगायतको सहभागिता रहेको थियो ।
समाजका तर्फबाट
सरिता पौडेल
कार्यक्रम अधिकृत
मनव अधिकार तथा शान्ति समाज
मिति ः २०७७ चैत २५