प्रेस विज्ञप्ति
शान्ति समाजको २२ औँ राष्ट्रिय परिषद् बैठक दाङमा÷ सिमा अतिक्रमणको विरोधसहित ९ वटा प्रस्ताव
मानव अधिकार, शान्ति, लोकतन्त्र, अहिंसा, सद्भाव र सहिष्णुताका लागि कार्यरत स्वयंसेवी संस्था मानव अधिकार तथा शान्ति समाजको २२ औँ राष्ट्रिय परिषद् बैठक २०७६ मंसिर २७–२८ गते दाङको तुल्सिपुरमा आयोजना हुने भएको छ । मानव अधिकार आन्दोलनको गन्तव्य ः लागू औषध÷मदिरा दुव्र्यसनको अन्त्य भन्ने मूल नारासहित आयोजना हुन गइरहेको राष्ट्रिय परिषद् बैठकमा समाजका संस्थापक सभापति कृष्ण पहाडी, केन्द्रिय कार्यसमितिका पदाधिकारी तथा सदस्यहरु, विभागीय संयोजकहरु, समाजका जिल्ला शाखाहरुबाट प्रतिनिधि तथा पर्यवेक्षकहरु गरी २०० भन्दा बढी अधिकारकर्मीहरुको सहभागिता हुने भएको छ ।
राष्ट्रिय परिषद् बैठकमा सिमा अतिक्रमणको विरोध, जलवायु परिवर्तन, विश्वव्यापी उष्णता र हिमालय बचाँउ आन्दोलन, लागू औषध÷मदिरा दुव्र्यसनको अन्त्य, वैज्ञानिक शिक्षा र गुणस्तरीय स्वास्थ्यका लागि अभियान, कारागार सुधारसहित ९ वटा प्रस्तावमा छलफल हुँदैछ । यसैगरी वर्ष २०७५÷७६ को समाजको वार्षिक गतिविधि सम्बन्धी प्रतिवेदन, आर्थिक तथा लेखा परिक्षण प्रतिवेदन, वार्षिक बजेट तथा कार्ययोजना समेत प्रस्तुत हुनेछ ।
राष्ट्रिय परिषद् बैठक आयोजनाका लागि समाजको दाङ शाखा सभापति सरद रेग्मीको संयोजकत्वमा मूल तयारी समितिसहित आधा दर्जन बढी उपसमितिहरु गठन गरिएको छ ।
राष्ट्रिय परिषद् बैठकको सेरोफेरोमा शान्ति र्याली, शान्ति काव्य प्रवाह, वृक्षारोपण, विद्यालयहरुमा अन्तरक्रिया, र सरसफाई कार्यक्रमहरु समेत आयोजना हुने भएको छ ।

सुशिल बस्नेत
महासचिव
मानव अधिकार तथा शान्ति समाज
केन्द्रिय कार्यसमिति
मिति ः २०७६ मंसिर ८

प्रेस विज्ञप्ति
सीमा अतिक्रमणको तिव्र विरोध : कविहरु भन्छन् अतिक्रमित भूभागबाट भारत तत्काल फिर्ता जानुपर्छ

मानव अधिकार तथा शान्ति समाजको आयोजनामा २०७६ कात्तिक २८ गते काठमाण्डौँमा सम्पन्न ८५ औँ शान्ति काव्य प्रवाहमा कविहरुले भारतले गरेको नेपाली भूभाग अतिक्रमणको तिव्र विरोध गरेका छन् । नेपाली भूभाग लिम्पियाधुरा, लिपुलेक र कालापानीमा अतिक्रमण गरेर भारतले विश्वासघात गरेको भन्दै कविहरु समवेत स्वरमा गर्जिए ः अतिक्रमित भूभागबाट भारत तत्काल फिर्ता जानुपर्छ ।
महाकवि लक्ष्मीप्रसाद देवकोटाको जन्मजयन्ती (कात्तिक २७) का सन्दर्भमा कविहरुले महाकवि देवकोटाप्रति श्रद्धाञ्जली समेत अर्पण गरेका थिए । काव्य प्रवाहमा कवि अतृप्त पाण्डेद्वारा लिखित मेरो सम्झनामा नामक कृतिको शान्ति समाजका संस्थापक सभापति कृष्ण पहाडीले लोकार्पण गर्नुभएको थियो ।
शान्ति समाज केन्द्रिय सदस्य सरस्वती ढकालले सभापतित्व गर्नुभएको काव्य प्रवाहमा कविहरु ज्ञानु वाकर पौडेल, राम बहादुर पहाडी, डा.जीवन अधिकारी, रत्ननीधि रेग्मी, डा. बमबहादुर थापा जिताली, मदन कार्की, भाग्यशाली अधिकारी, ऋचा, दुर्गा बनवासी, पुनम घिमिरे, बिमला दाहाल, गंगा कर्माचार्य, त्रिभुवनचन्द्र वाग्ले, प्रकाशमणी दाहाल, राजेन्द्र प्रसाद ढुंगाना, अतृप्त पाण्डेय, जसध्वज गुरुङ, विजयध्वज थापा, मुकुन्द पौडेल, दुर्गा किरण तिवारी, उर्मिला पन्त पाण्डेय, त्रिपुरा पौडेल, कुसुम शर्मा, रश्मि रिमाल, रुद्र अधिकारी, भुवन शिवाकोटी, विजयराज न्यौपाने, अशोक घिमिरे, डिल्लीप्रसाद मूलतिहुन, रविन्द्र आशिष शैली, गगनदीप सर्व, निर्मल पराजुली, मुकुन्द न्यौपाने, ओमप्रसाद कोइराला, रविन्द्र ढुंगेल, टेकबहादुर लौडारी र कृष्ण पहाडी सहित ३८ जना कविहरुले कविता वाचन गर्नुभएको थियो ।

प्रेस विज्ञप्ति
नेपाली भूभागमाथि भारतीय अतिक्रमणको निन्दा
कालापानी, लिपुलेक लगायत नेपाली भूभागलाई भारतीय क्षेत्रका रुपमा चित्रित गरी भारतले हालै प्रकाशित गरेको नयाँ राजनीतिक नक्साप्रति मानव अधिकार तथा शान्ति समाज तिव्र आपत्ति प्रकट गर्दै नेपाली भूभागमाथि भारतीय अतिक्रमणको निन्दा गर्दछ । विगत ६ दशक देखी नेपालको कालापानी भूमी माथि भएको भारतीय अतिक्रमणलाई सच्याउनु पर्नेमा पुन पुरानै गल्ती दोहोर्याउदै त्यस्तो नक्सा प्रकाशित गर्नु दुर्भाग्यपूर्ण छ । भारतको यस्तो गल्तीले नेपाल भारतबीच विद्यमान सौहार्दपूर्ण, सुमधुर एवं नागरिक स्तरमा समेत घनिष्ठ र सद्भावयुक्त सम्बन्धमा आँच पुग्ने देखिन्छ । तसर्थ उक्त गल्तीलाई शिघ्र सच्याउँदै नेपाली भूभाग र नेपाली स्वाभिमानप्रति पूर्ण सम्मान व्यक्त गर्न भारत सरकारलाई शान्ति समाज आग्रह गर्दछ ।
ऐतिहासिक सत्यलाई लत्याउँदै पुरानै गल्तीलाई निरन्तरता दिँदा दक्षिण एशियामा भारत एक्लिएर जान सक्ने संभावनाप्रति भारत सरकार गम्भीर बन्नुपर्छ । यसैगरी नेपाली भूभागको संवेदनशिल विषयमा नेपाल सरकार दृढताका साथ प्रस्तुत भई यस विषयमा भारतसँग तत्काल प्रधानमन्त्री स्तरमै छलफलका लागि प्रक्रिया अघि बढाउन शान्ति समाज आग्रह गर्दछ ।
समाजका तर्फबाट
उत्तम पुडासैनी
सभापति
मानव अधिकार तथा शान्ति समाज
केन्द्रिय कार्यसमिति
मिति : २०७६/०७/२१